Mayamidə “Vətən nəğmələri” adlı konsert və Azərbaycan icması ilə görüş keçirilib

2023

Mayamidə “Vətən nəğmələri” adlı konsert və Azərbaycan icması ilə görüş keçirilib
ABŞ-ın Florida ştatının Mayami şəhərində Azərbaycana həsr olunmuş “Vətən nəğmələri” adlı konsert və Azərbaycan icması ilə görüş keçirilib.

Diasporla İş üzrə Dövlət Komitəsinin dəstəyi və Florida Azərbaycanlıları İcmasının təşkilatçılığı ilə baş tutan tədbirdə türk diasporunun da nümayəndələri iştirak ediblər.

Görüş iştirakçılarını salamlayan Komitə sədri Fuad Muradov 44 günlük Vətən müharibəsi dövründə Azərbaycan həqiqətlərinin təbliği məqsədilə Florida ştatında geniş məlumatlandırma kampaniyası apardıqlarına görə icma üzvlərinə minnətdarlığını bildirib.

Prezident İlham Əliyevin Dünya Azərbaycanlılarının Şuşada keçirilən V Qurultayında səsləndirdiyi tapşırıq və tövsiyələri xatırladan Komitə sədri dövlət başçımızın “Əlbəttə, biz hamımız – Azərbaycanda yaşayan azərbaycanlılar istəyirik ki, xaricdə yaşayan azərbaycanlılar öz tarixi Vətəni ilə sıx bağlı olsunlar. Heç olmasa, ildə bir dəfə hər bir azərbaycanlı öz ailəsi ilə Azərbaycana gəlsə, yaxşı olar” fikrinə diqqəti cəlb edib.

Sonra xaricdə yaşayan həmvətənlərimizin həmrəyliyinin təmin olunması və post-müharibə dövründə Azərbaycan həqiqətlərinin, mədəniyyətinin daha güclü və mütəşəkkil şəkildə Florida ictimaiyyətinə çatdırılması naminə xaricdəki Azərbaycan icmalarının birlik mexanizmləri haqqında ətrafllı məlumat verib. Koordinasiya Şuralarının, Azərbaycan Evlərinin və Azərbaycan həftəsonu məktəblərinin fəaliyyət istiqamətlərindən danışıb.

Tədbirdə Florida Azərbaycanlıları İcmasının rəhbəri Esmira Bayramova, Nova Southeast Universitetindəki Azərbaycanlı Tələbələr Assosiasiyasının idarə heyətinin üzvü Lalə Orucova və Cənubi Azərbaycan əsilli yazıçı, “Jirtdan’s Halloween” kitabının müəllifi Dərya Hodai çıxış ediblər. Onlar təmsil etdikləri təşkilatların fəaliyyətindən və gördükləri işlərdən bəhs ediblər.

İcma üzvləri görüşün və konsert proqramının təşkil olunmasına görə Diasporla İş üzrə Dövlət Komitəsinə minnətdarlıqlarını bildiriblər. Komitənin soydaşlarımızı daim bir araya gətirərək Azərbaycan həqiqətlərini, mədəniyyətini yerli ictimaiyyətə çatdırılması və eyni zamanda istedadlı soydaşlarımızın tanıdılması istiqamətində hər zaman dəstək göstərdiyi bir daha nəzərə çatdırılıb.

Rəsmi hissədən sonra tarixi vətənini dünyada təmsil edən, ABŞ-da yaşayan azərbaycanlı musiqiçi Xan Bəyli (Şirvan Ağabəyli) Azərbaycana həsr olunmuş “Vətənin nəğmələri adlı” solo konsertlə çıxış edib. Konsertdə “Səslə məni”, “Sevirəm, “Azəri torpağı”, Azərbaycan maralı”, “Gəl yanıma”, “Reyhan”, “Yalan” və digər Azərbaycan xalq və bəstəkar mahnıları səslənib. Tədbir iştirakçıları Xan Bəylinin və onu müşayiət edən musiqiçi qrupun ifasını alqışlarla qarşılayıblar.

Konsertdən sonra soydaşlarımız Azərbaycanın tarixi və coğrafi önəmini, eləcə də Şərq-Qərb mədəniyyətini özündə ehtiva edən müasir musiqi mərkəzi olduğunu nümayiş etdirən konsertin soydaşlarımızın bir araya gəlməsində mühüm rol oynadığını nəzərə çatdırıblar. Bundan sonra da mədəniyyətimizi xaricdə təbliğ edən azərbaycanlı musiqiçilərin konsertlərinin daha çox təşkil edilməsinin vacibliyini bildiriblər.

Qeyd edək ki, Azərbaycan əsilli Xan Bəyli Ukraynada doğulub. Onun ailəsi 80-ci illərin sonunda Azərbaycandan Ukraynaya köçüb. İlk musiqi təhsilini Ukraynada alıb, sonradan Azərbaycanda və Bostonda təhsilini davam etdirib. Berkli Musiqi Kollecini bitirib. Öncə Nyu-Yorkda, indi isə Florida ştatında fəaliyyət göstərir. Onun repertuarında əsas yeri Azərbaycan mahnıları tutur. O, ABŞ-dakı bütün konsertlərində doğma yurdun nəğmələrini ifa edir.

Diasporla İş üzrə Dövlət Komitəsi Azərbaycanı təbliğ etmələri məqsədilə mədəniyyət, incəsənət və idman sahəsində xüsusi istedadı olan diaspor nümayəndələrinin fəaliyyətini dəstəkləyir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/mayamide-veten-negmeleri-adli-konsert-ve-azerbaycan-icmasi-ile-gorus-kecirilib-3284

Almaniyada Heydər Əliyevə həsr olunmuş “İn Memoriam” adlı konsert keçirilib
25 aprel, 2023
Almaniyada Heydər Əliyevə həsr olunmuş “İn Memoriam” adlı konsert keçirilib
Almaniyanın Horn Bad Maynberq şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “İn Memoriam” (“Xatirələrdə”) adlı konsert keçirilib.

Diasporla İş üzrə Dövlət Komitəsinin dəstəyi və Almaniyada fəaliyyət göstərən “Bridge of Sound” ansamblının və orkestrinin yaradıcısı və bədii rəhbəri, bəstəkar Xədicə Zeynalovanın təşkilatçılığı ilə baş tutan konsertdə yerli ictimaiyyətin nümayəndələri iştirak ediblər.

Konsert öncəsi bəstəkar Xədicə Zeynalova dahi şəxsiyyət Heydər Əliyevin həyatı və fəaliyyəti barədə məlumat verib, müasir Azərbaycan dövlətinin inkişafında əvəzsiz misilsiz xidmətlərindən danışıb və onun haqqında xatirələrini bölüşüb. Nəzərə çatdırıb ki, 2023-cü il Prezident İlham Əliyevin müvafiq Sərəncamı ilə Azərbaycanda “Heydər Əliyev İli” elan olunub. Bu məqsədlə dünyanın müxtəlif ölkələrində xalqımızın ümummilli liderinin anadan olmasının 100 illiyinə həsr olunmuş silsilə konsertlər və tədbirlər keçirilir.

Sonra Azərbaycan və alman bəstəkarlarının əsərlərindən ibarət konsert proqramı təqdim olunub. Onların arasında Azərbaycanın peşəkar musiqi sənətinin banisi Üzeyir Hacıyevin “Arazbarı”, Xədicə Zeynalovanın “İn Memoriam”, “Azerbaijani fairy tale”, İohann Sebastyan Baxın, Argentina bəstəkarı Astor Piazzolanın və digər bəstəkarların əsərləri səsləndirilib. Heydər Əliyevin çox sevdiyi “Küçələrə su səpmişəm” və “Ay Laçın” xalq mahnılarının “Bridge of Sound” ansamblının və Xədicə Zeynalovanın ifasında səsləndirilməsi böyük maraqla qarşılanıb.

Qeyd edək ki, Xədicə Zeynalova Azərbaycan Bəstəkarlar İttifaqının, Almaniyanın GEMA təşkilatının və “Qadınlar musiqidə” Beynəlxalq Aliyansının üzvü, 2016-cı ildən fəaliyyət göstərən “Bridge of Sound” ansamblının və orkestrinin, 2021-ci ildə Almaniyada ilk dəfə olaraq təşkil edilən “Harmony of Sound” adlı Beynəlxalq Musiqi Festivalının yaradıcısı və bədii rəhbəridir. Festival həmin il “Odlar divarından Zəfərə doğru” adı ilə Azərbaycanın zəngin musiqi mədəniyyətinə həsr edilib.

Bəstəkar yaradıcılıq və diaspor fəaliyyətinə görə Azərbaycan Respublikasının “Nizami” və “Diaspor fəaliyyətində xidmətə görə” medallarına layiq görülüb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/almaniyada-heyder-eliyeve-hesr-olunmus-in-memoriam-adli-konsert-kecirilib-2829

adlı konsert – Nigeria Gazetesi

Mayamidə “Vətən nəğmələri” adlı konsert və Azərbaycan icması ilə görüş keçirilib

Almaniyada Heydər Əliyevə həsr olunmuş “İn Memoriam” adlı konsert keçirilib