Aktau – Nigeria Gazetesi https://nigeriagazetesi.com Sat, 03 Feb 2024 12:28:37 +0000 tr hourly 1 https://nigeriagazetesi.com/wp-content/uploads/2025/03/cropped-nigeria-32x32.webp Aktau – Nigeria Gazetesi https://nigeriagazetesi.com 32 32 Aktau şəhərində Azərbaycan Gənclər Günü qeyd edilib https://nigeriagazetesi.com/aktau-s%c9%99h%c9%99rind%c9%99-az%c9%99rbaycan-g%c9%99ncl%c9%99r-gunu-qeyd-edilib-h54012.html Sat, 03 Feb 2024 12:28:37 +0000 https://1453kralmedya.com/aktau-s%c9%99h%c9%99rind%c9%99-az%c9%99rbaycan-g%c9%99ncl%c9%99r-gunu-qeyd-edilib-h54012.html

 

 

Aktau şəhərində Azərbaycan Gənclər Günü qeyd edilib

, 2024

 

 

 

Aktau şəhərində Azərbaycan Gənclər Günü qeyd edilib

 

 

 

 

Qazaxıstanın Aktau şəhərində 2 fevral – Azərbaycan Gənclər Günü münasibətilə “Gənclər millətin gələcəyidir” adlı tədbir keçirilib.

 

 

 

 

Diasporla İş üzrə Dövlət Komitəsinin dəstəyi, “Azərbaycan Mərkəzi” İctimai Fondunun və Azərbaycanın Aktaudakı Baş konsulluğunun birgə təşkilatçılığı ilə baş tutan tədbirdə yerli dövlət orqanlarının rəsmi şəxsləri, Azərbaycan, Türkiyə, Özbəkistan, Türkmənistan və İranın Aktaudakı Baş konsulları, Qazaxıstan Xalqı Assambleyasının, müxtəlif icmaların nümayəndələri və Azərbaycandan gələn qonaqlar iştirak ediblər.

 

 

 

 

“Azərbaycan Mərkəzi” İctimai Fondunun direktoru İlkin Orucovun moderatorluğu ilə aparılan tədbirdə Azərbaycanın Aktaudakı Baş konsulu Elçin Məmmədov, Mangistau vilayəti Ağsaqqallar Şurasının sədri Onaybek Abdilov, Magistau vilayəti gənclər siyasəti məsələləri üzrə idarənin rəhbəri Mukaş Oralbay, Diasporla İş üzrə Dövlət Komitəsinin əməkdaşı Billurə Ələkbərova, TİKA-nın Qafqaz və Mərkəzi Asiya üzrə şöbə müdiri Ali Özgür Öztürk çıxış ediblər. Onlar azərbaycanlı gəncləri bu əlamətdar gün münasibətilə təbrik edib, xoş arzularını bildiriblər. Azərbaycanlı gənclərin Qazaxıstanın ictimai-siyasi həyatında fəal iştirakı yüksək qiymətləndirilib.

 

 

 

Nəzərə çatdırılıb ki, müstəqil Azərbaycan dövlətinin gənclər siyasətinin əsası görkəmli dövlət xadimi Heydər Əliyev tərəfindən qoyulub. Bu siyasətin inkişaf istiqamətləri Prezident İlham Əliyev tərəfindən daha da təkmilləşdirilib. Gənclər siyasətində milli və dövlətçilik maraqlarının prioritet olması 44 günlük Vətən müharibəsində həlledici rol oynayıb. Müharibədə əsas missiyanı məhz Ali Baş Komandan İlham Əliyevin prezidentliyi dövründə yüksək vətənpərvərlik ruhunda yetişən gənclər yerinə yetiriblər.

 

 

 

Tədbirin rəsmi hissəsi ötən il ərzində xalqlarımız arasında ikitərəfli regional münasibətlərin möhkəmlənməsi istiqamətində fəallıq göstərən gənclərə fəxri fərmanların, Diasporla İş üzrə Dövlət Komitəsi adından fondun direktoru İlkin Orucova təşəkkürnamənin təqdim edilməsi, “Azərbaycan Mərkəzi” İctimai Fondu və Qazaxıstan gəncləri adından ölkəmizdə keçiriləcək 7 fevral 2024-cü il tarixli növbədənkənar prezident seçkiləri ilə bağlı bəyanatın qəbul edilməsi ilə yekunlaşıb.

 

 

 

Bədii hissədə Azərbaycan və Özbəkistanın xalq artisti Gülyanaq Məmmədova, Azərbaycan Dövlət Akademik Filarmoniyasının solisti, saz ifaçısı Aqşin Tariyeloğlu rəngarəng konsert proqramı ilə çıxış ediblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aktau-seherinde-azerbaycan-gencler-gunu-qeyd-edilib-4159

 

 

 

 

]]> Aktau şəhərində 20 Yanvar faciəsinin qurbanları anılıb https://nigeriagazetesi.com/aktau-s%c9%99h%c9%99rind%c9%99-20-yanvar-faci%c9%99sinin-qurbanlari-anilib-h53751.html Tue, 23 Jan 2024 15:14:58 +0000 https://1453kralmedya.com/aktau-s%c9%99h%c9%99rind%c9%99-20-yanvar-faci%c9%99sinin-qurbanlari-anilib-h53751.html

 

 

 

Aktau şəhərində 20 Yanvar faciəsinin qurbanları anılıb

, 2024

 

 

 

Aktau şəhərində 20 Yanvar faciəsinin qurbanları anılıb

 

 

 

 

Qazaxıstanın Aktau şəhərində 20 Yanvar faciəsinin 34-cü ildönümü ilə əlaqədar anım tədbiri keçirilib.

 

 

 

 

Azərbaycanın Aktaudakı Baş konsulluğunda baş tutan tədbirdə ölkəmizin Dövlət Himni səsləndirilib, 20 Yanvar şəhidlərinin xatirəsi bir dəqiqəlik sükutla yad edilib.

 

 

 

 

Tədbiri giriş sözü ilə açan Azərbaycanın Aktaudakı Baş konsulluğunun başçısı v.i.e Elçin Məmmədov 1990-cı il yanvarın 19-dan 20-nə keçən gecə SSRİ rəhbərliyinin göstərişi ilə sövet qoşunları tərəfindən Bakıda mülki əhaliyə qarşı törədilmiş dəhşətli cinayət haqqında məlumat verib. Bildirib ki, həmin gecə müstəqilliyimiz, suverenliyimiz uğrunda canlarından keçən oğul və qızlarımız şəhidlik zirvəsinə yüksəlməklə milli şərəf və ləyaqət, vətənpərvərlik örnəyi oldular. Hadisələrin ertəsi günü o zaman Moskvada yaşayan ulu öndər Heydər Əliyevin ailə üzvləri ilə birlikdə Azərbaycanın Daimi Nümayəndəliyinə gedərək, Bakıya hərbi müdaxiləni sərt şəkildə pislədiyi və ağır gündə xalqımıza dəstək olduğu xatırladılıb.

 

 

 

Mangistau vilayəti üzrə Azərbaycan icmasının rəhbəri Şəmsəddin Hüseynov, Azərbaycan Mərkəzinin rəhbəri İlkin Orucov, icma ağsaqqalları Yusif Quliyev, Zakir Əkbərov və başqaları çıxışlarında faciə ilə bağlı fikirlərini, xatirələrini bölüşüblər. Qanlı Yanvar hadisəsinin xalqın mübarizlik əzmini qırmadığını, əksinə, azadlıq və müstəqillik yolunda xalqın birliyini daha gücləndirdiyini bildiriblər. 20 Yanvar şəhidlərinin əziz xatirəsinin xalqımızın qəlbində daim yaşayacağı, Bakıdakı Şəhidlər Xiyabanının hər il izdihamla ziyarət edildiyi diqqətə çatdırılıb.

 

 

 

 

Tədbir çərçivəsində sovet qoşunları hissələrinin Bakıda törətdiyi qanlı qırğını ifşa edən fotoşəkillərdən ibarət anım guşəsi nümayiş etdirilib.

 

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aktau-seherinde-20-yanvar-faciesinin-qurbanlari-anilib-4098

 

 

 

]]> Aktau şəhərində Heydər Əliyevə həsr olunmuş elmi konfrans təşkil edilib https://nigeriagazetesi.com/aktau-s%c9%99h%c9%99rind%c9%99-heyd%c9%99r-%c9%99liyev%c9%99-h%c9%99sr-olunmus-elmi-konfrans-t%c9%99skil-edilib-h52440.html Thu, 14 Dec 2023 08:39:46 +0000 https://1453kralmedya.com/aktau-s%c9%99h%c9%99rind%c9%99-heyd%c9%99r-%c9%99liyev%c9%99-h%c9%99sr-olunmus-elmi-konfrans-t%c9%99skil-edilib-h52440.html

 

 

 

Aktau şəhərində Heydər Əliyevə həsr olunmuş elmi konfrans təşkil edilib

2023

Aktau şəhərində Heydər Əliyevə həsr olunmuş elmi konfrans təşkil edilib

 

 

 

 

Qazaxıstanın Aktau şəhərində yerləşən Yessenov Universitetində “Ümummilli lider Heydər Əliyevin türk dünyasının möhkəmləndirilməsində rolu” mövzusunda elmi konfrans keçirilib.

 

 

 

 

“Azərbaycan Mərkəzi” İctimai Fondunun, “Beynəlxalq münasibətlər və turizm” kafedrasının birgə təşkilatçılığı və Azərbaycanın Aktau şəhərindəki Baş konsulluğunun dəstəyi ilə baş tutan tədbirdə Türkiyə Respublikasının Aktau şəhərindəki Baş konsulu Sabri Alptekin, Azərbaycandan gələn qonaqlar, universitetin müəllimləri və tələbələri iştirak ediblər.

 

 

 

Tədbir iştirakçılarını salamlayan Yessenov Universitetinin prezidenti Berik Ahmedov çıxışında Qazaxıstanla Azərbaycan arasında ikitərəfli münasibətlərdən danışıb, Heydər Əliyevin qardaşlıq münasibətlərinin inkişafına töhfələr bəxş etdiyini vurğulayıb.

Konfransda Azərbaycanın Aktau şəhərindəki Baş konsulluğunun rəhbəri Elçin Məmmədov, Azərbaycanın xalq yazıçısı Elmira Axundova, “Azərbaycan Mərkəzi” İctimai Fondunun direktoru İlkin Orucov çıxış ediblər. Heydər Əliyevi ölkəmizin və türk dünyasının çoxəsrlik dövlətçilik tarixində unikal, dahi şəxsiyyət və müasir Azərbaycan dövlətinin qurucusu adlandıran natiqlər onun həyat və fəaliyyətinə diqqəti cəlb edib, ulu öndərin mühüm xidmətlərindən söz açıblar.

 

 

 

Elmira Axundova görkəmli dövlət xadimi Heydər Əliyevlə bağlı xatirələrini bölüşüb və qazax dilində “Zərifə və Heydər Əliyev – əbədi sevgi” kitabını təqdim edib.

 

 

 

Sonra “Beynəlxalq münasibətlər və turizm” kafedrasının professoru Əhməd Demeyevin “Qazaxıstan-Azərbaycan: birgə gələcəyə doğru” mövzusunda məruzəsi dinlənilib.

Konfransdan sonra qonaqlar “Azərbaycan Mərkəzi”nin fəaliyyəti ilə tanış olublar.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aktau-seherinde-heyder-eliyeve-hesr-olunmus-elmi-konfrans-teskil-edilib-3935

 

 

]]> Azərbaycan diasporu Aktau şəhərində keçirilən beynəlxalq forumda iştirak edib https://nigeriagazetesi.com/az%c9%99rbaycan-diasporu-aktau-s%c9%99h%c9%99rind%c9%99-keciril%c9%99n-beyn%c9%99lxalq-forumda-istirak-edib-h51737.html Thu, 23 Nov 2023 09:30:37 +0000 https://1453kralmedya.com/az%c9%99rbaycan-diasporu-aktau-s%c9%99h%c9%99rind%c9%99-keciril%c9%99n-beyn%c9%99lxalq-forumda-istirak-edib-h51737.html

 

 

 

 

Azərbaycan diasporu Aktau şəhərində keçirilən beynəlxalq forumda iştirak edib

, 2023

 

 

 

Azərbaycan diasporu Aktau şəhərində keçirilən beynəlxalq forumda iştirak edib

 

 

 

Qazaxıstanın Aktau şəhərində keçirilən “Mədəni dialoq: Qazaxıstan və Azərbaycan” adlı beynəlxalq forumda Azərbaycan diasporu da təmsil olunub.

 

 

 

Nazarbayev İntellektual Məktəbində keçirilən forumda “Azərbaycan Mərkəzi” İctimai Fondunun direktoru İlkin Orucov, məktəbin Qəyyumlar Şurasının üzvü, azərbaycanlı iş adamı Zamin Səfərov, Azərbaycan Respublikası Azər və Natiq Novruzov adına 36 nömrəli məktəbin nümayəndələri iştirak ediblər.

 

 

 

Forumda çıxış edən “Azərbaycan Mərkəzi” İctimai Fondunun direktoru ölkələrimiz arasında mehriban qonşuluq münasibətlərindən, Azərbaycan-Qazaxıstan birgə layihələrindən, o cümlədən təhsil və elm sahəsində əməkdaşlıqdan danışıb.

Forumun sonunda Nazarbayev İntellektual Məktəbi ilə Azər və Natiq Novruzov adına 36 nömrəli məktəb arasında qarşılıqlı əməkdaşlıq haqqında memorandum imzalanıb.

Səfərin sonunda Azərbaycandan gələn qonaqlar “Azərbaycan Mərkəzi”ni ziyarət edərək, fondun fəaliyyəti ilə tanış olublar.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-diasporu-aktau-seherinde-kecirilen-beynelxalq-forumda-istirak-edib-3827

 

 

 

 

]]> Aktau şəhərində Anım Günü qeyd edilib https://nigeriagazetesi.com/aktau-s%c9%99h%c9%99rind%c9%99-anim-gunu-qeyd-edilib-h50156.html Thu, 05 Oct 2023 09:29:23 +0000 https://1453kralmedya.com/aktau-s%c9%99h%c9%99rind%c9%99-anim-gunu-qeyd-edilib-h50156.html

 

 

 

 

Aktau şəhərində Anım Günü qeyd edilib

 

 

 

 

 

2023
Aktau şəhərində Anım Günü qeyd edilib

Qazaxıstanın Aktau şəhərində fəaliyyət göstərən “Azərbaycan Mərkəzi” İctimai Fondunda 27 Sentyabr – Anım Günü ilə bağlı tədbir keçirilib.

 

 

Yesenov Universiteti tələbələrinin və azərbaycanlı gənclərin qatıldıqları tədbirdə Azərbaycan torpaqlarının erməni işğalından azad edilməsi uğrunda canlarından keçmiş şəhidlərin xatirəsi ehtiramla yad edilib.

 

 

 

Tədbiri giriş sözü ilə açan “Azərbaycan Mərkəzi” İctimai Fondunun direktoru İlkin Orucov bildirib ki, Anım Günü təkcə Azərbaycan üçün deyil, bütün region üçün böyük əhəmiyyət kəsb edir. Nəzərə çatdırıb ki, Azərbaycan Ordusunun 27 sentyabr 2020-ci ildə Ermənistan silalı qüvvələrinin genişmiqyaslı hücumuna cavab olaraq başlatdığı əks-hücum əməliyyatı tarixi Zəfərlə başa çatıb və bu misilsiz qələbə hər bir azərbaycanlı əsgərin, zabitin qanı və canı bahasına qazanılıb.

 

 

 

 

Tədbirdə çıxış edən universitet tələbələri Kamila Kenjebayeva, Alisa Rau, Ayna Etrek, Arujan Sansızbayeva, Kənan Əliyev və 44 günlük Vətən müharibəsinin qazisi, II kurs tələbəsi Emin Xəlilov bildiriblər ki, Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə əldə olunmuş hərbi-siyasi qələbə çoxəsrlik tariximizdə ən əhəmiyyətli və parlaq hadisələrdən biridir.

Tədbir çərçivəsində İkinci Qarabağ savaşına həsr olunmuş sənədli film və stend nümayiş etdirilib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aktau-seherinde-anim-gunu-qeyd-edilib-3635

 

 

 

 

]]> Aktau şəhərində Azərbaycanın Milli Qurtuluş Günü qeyd edilib https://nigeriagazetesi.com/aktau-s%c9%99h%c9%99rind%c9%99-az%c9%99rbaycanin-milli-qurtulus-gunu-qeyd-edilib-h46642.html Mon, 19 Jun 2023 13:59:01 +0000 https://1453kralmedya.com/aktau-s%c9%99h%c9%99rind%c9%99-az%c9%99rbaycanin-milli-qurtulus-gunu-qeyd-edilib-h46642.html

Aktau şəhərində Azərbaycanın Milli Qurtuluş Günü qeyd edilib

 

 

 

 

, 2023

 

 

 

Aktau şəhərində Azərbaycanın Milli Qurtuluş Günü qeyd edilib

 

 

 

 

Qazaxıstanın Aktau şəhərində 15 İyun – Milli Qurtuluş Gününə həsr olunmuş tədbir keçirilib.

 

 

 

Azərbaycanın Aktau şəhərindəki Baş konsulluğunda gerçəkləşdirilən tədbirdə yerli hakimiyyətin, Türkiyənin Aktaudakı Baş konsulluğunun, Azərbaycan icmasının nümayəndələri və azərbaycanlı tələbələr iştirak ediblər.

 

 

 

 

Tədbirdə çıxış edən Azərbaycanın Aktaudakı Baş konsullunun vəzifələrini icra edən Elçin Məmmədov, “Dostluq” Etnomədəni Birliyinin sədri Şəmsəddin Hüseynov və başqaları əlamətdar gün münasibətilə soydaşlarımızı təbrik ediblər. 30 il öncə Azərbaycanda baş verən ictimai-siyasi proseslərın tarixinə nəzər salan natiqlər xatırladıblar ki, 1993-cü il iyunun 15-də Azərbaycanın Ali Sovetinin sədri seçilmiş Heydər Əliyev olduqca mürəkkəb şəraitdə ölkəmizi vətəndaş müharibəsindən və parçalanmaqdan xilas edib, dövlət müstəqilliyimizə yaranan təhlükəni tamamilə aradan qaldırmağa nail olub. Qeyd edilib ki, məhz bu xilaskarlıq missiyasına görə 15 iyun Azərbaycanın müasir tarixinə Milli Qurtuluş Günü kimi daxil olub. Azərbaycanın hazırda qazandığı bütün nailiyyətlərin əsasında ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirməsinin dayandığı vurğulanıb.

 

 

 

 

Tədbir çərçivəsində Heydər Əliyevin həyatını və siyasi fəaliyyətini əks etdirən fotosərgi nümayiş etdirilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aktau-seherinde-azerbaycanin-milli-qurtulus-gunu-qeyd-edilib-3118

]]> Aktau şəhərində Aprel döyüşləri şəhidlərinin xatirəsi yad edilib https://nigeriagazetesi.com/aktau-s%c9%99h%c9%99rind%c9%99-aprel-doyusl%c9%99ri-s%c9%99hidl%c9%99rinin-xatir%c9%99si-yad-edilib-h43042.html Sun, 09 Apr 2023 07:28:29 +0000 https://1453kralmedya.com/aktau-s%c9%99h%c9%99rind%c9%99-aprel-doyusl%c9%99ri-s%c9%99hidl%c9%99rinin-xatir%c9%99si-yad-edilib-h43042.html

 

 

 

Aktau şəhərində Aprel döyüşləri şəhidlərinin xatirəsi yad edilib
, 2023
Aktau şəhərində Aprel döyüşləri şəhidlərinin xatirəsi yad edilib
Qazaxıstanın Aktau şəhərində “Aprel döyüşləri – xalqımızın qəhrəmanlıq salnaməsi” mövzusunda anım tədbiri keçirilib.

Azərbaycanın Aktaudakı Baş konsulluğunda gerçəkləşdirilən tədbirdə Türkiyənin Baş konsulluğunun əməkdaşları, Mangistau vilayətinin yerli qurumlarının, ictimaiyyətinin və KİV-lərinin nümayəndələri, diasporumuzun rəhbərləri, Azərbaycan və müxtəlif icmaların üzvlərindən ibarət 100-dən çox qonaq iştirak edib.

Baş konsulluğun başçısı v.i.e. Elçin Məmmədov tədbir iştirakçılarını salamlayıb və Aprel döyüşləri zamanı canlarından keçmiş şəhidlərimizin xatirəsinin bir dəqiqəlik sükutla yad olunmasına dəvət edib.

Tədbirdə Türkiyənin Aktau şəhərindəki Baş Konsulluğunun ticarət üzrə attaşesi Yıldırım Büker, Mangistau vilayətində Azərbaycan icmasının rəhbəri Şəmsəddin Hüseynov, Aprel döyüşlərinin iştirakçısı Faiq Əhədli, Azərbaycan Mərkəzinin rəhbəri İlkin Orucov və başqaları çıxış ediblər. Müzəffər Ali Baş Komandan İlham Əliyevin rəhbərliyi ilə rəşadətli ordumuzun Aprel döyüşləri və Vətən müharibəsi zamanı həyata keçirdiyi əks-hücum əməliyyatlarının nəticələrindən danışan natiqlər Azərbaycan bayrağının azad olunmuş Lələtəpə yüksəkliyində və Qarabağ torpaqlarında ucaldılmasının, Azərbaycanın parlaq Zəfərinin xalqımıza və türk dünyasına böyük qürur və sevinc hissləri yaşatdığını vurğulayıblar. Aktauda fəaliyyət göstərən icmaların, eləcə də vilayət və şəhər rəhbərliyinin hər il Zəfər Günü münasibətilə Azərbaycan icmasını təbrik etdikləri bildirilib.

 

 

 

Prezident Rəcəb Tayyib Ərdoğanın başçılıq etdiyi qardaş Türkiyə dövlətinin və türk xalqının Aprel döyüşləri, İkinci Qarabağ müharibəsi və post-müharibə dövründə Azərbaycanın yanında olduğu, “bir millət, iki dövlət” olan Azərbaycanın və Türkiyənin kədərli və sevincli günləri birlikdə bölüşdüyü bir daha xatırladılıb. Azərbaycanın uğurlu xarici siyasət apardığı, xalqımızı və türk dünyasını gözləyən növbəti uğurun Zəngəzur dəhlizinin açılması ilə əlaqədar olduğu nəzərə çatdırılıb. “Yaşasın Müzəffər Ali Baş Komandan! Yaşasın Müzəffər Azərbaycan Ordusu! Yaşasın Müzəffər Azərbaycan xalqı və türk dünyası!”, – deyə Aprel döyüşlərinin iştirakçısı Faiq Əhmədli bildirib.

Tədbir zamanı Aprel döyüşlərindən bəhs edən sənədli film və fötösərgi nümayiş olunub.

Tədbirin sonunda şəhidlərimizin ruhuna dualar oxunub, Prezident İlham Əliyevə dünya azərbaycanlılarına və türk dünyasına göstərdiyi dəstəyə görə minnətdarlıq ifadə edilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktau-seherinde-aprel-doyusleri-sehidlerinin-xatiresi-yad-edilib-2741

 

 

]]> Aktau şəhərindəki icmamıza minnətdarlıq bildirilib https://nigeriagazetesi.com/aktau-s%c9%99h%c9%99rind%c9%99ki-icmamiza-minn%c9%99tdarliq-bildirilib-h42903.html Thu, 06 Apr 2023 21:34:58 +0000 https://1453kralmedya.com/aktau-s%c9%99h%c9%99rind%c9%99ki-icmamiza-minn%c9%99tdarliq-bildirilib-h42903.html

 

 

 

Aktau şəhərindəki icmamıza minnətdarlıq bildirilib
, 2023
Aktau şəhərindəki icmamıza minnətdarlıq bildirilib

Qazaxıstanın Mangistau vilayətinin Aktau şəhərində fəaliyyət göstərən Azərbaycanın Baş Konsulluğu və Azərbaycan icması yerli hakimiyyət orqanlarının təşəkkürnaməsinə layiq görülüb.

Novruz bayramı ərəfəsində Baş konsulluq əməkdaşları və soydaşlarımız Manqistau Xalqlar Assambleyasının və “Yaşıl Həyat” Dostluq Evinin təşkil etdiyi ağacəkmə aksiyasında fəal iştirak edib.

 

 

 

Bundan başqa, Novruz şənliyi ilə əlaqədar Aktau şəhərindəki dənizkənarı bulvarda Baş Konsullluq və Azərbaycan icması tərəfindən qurulan Azərbaycan pavilyonu (Yurta) milli ornamenti, mətbəxi, əyləncəsi və möhtəşəmliyi ilə fəqrlənib. Şəhər akiminin müavini Abilkair Baybakov Baş Konsulluq və Azərbaycan icması nümayəndələrinə təşəkkürnamə təqdim edib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktau-seherindeki-icmamiza-minnetdarliq-bildirilib-2735

 

 

 

]]> Aktaudakı Azərbaycan Mərkəzində anım tədbiri təşkil edilib https://nigeriagazetesi.com/aktaudaki-az%c9%99rbaycan-m%c9%99rk%c9%99zind%c9%99-anim-t%c9%99dbiri-t%c9%99skil-edilib-h42865.html Wed, 05 Apr 2023 18:19:03 +0000 https://1453kralmedya.com/aktaudaki-az%c9%99rbaycan-m%c9%99rk%c9%99zind%c9%99-anim-t%c9%99dbiri-t%c9%99skil-edilib-h42865.html

 

 

 

Aktaudakı Azərbaycan Mərkəzində anım tədbiri təşkil edilib
, 2023
Aktaudakı Azərbaycan Mərkəzində anım tədbiri təşkil edilib

Qazaxıstanın Aktau şəhərində fəaliyyət göstərən Azərbaycan Mərkəzində 31 Mart – Azərbaycanlıların Soyqırımı Günü ilə əlaqədar anım tədbiri keçirilib.

 

 

 

 

Tədbirdə Azərbaycanın Aktaudakı Baş konsulluğunun başçısı v.i.e. Elçin Məmmədov, Şahmərdan Yesenov adına Xəzər Dövlət Texnologiyalar və Mühəndislik Universitetinin beynəlxalq əlaqələr və turizm kafedrasının müdiri Elvira Janqojayeva, azərbaycanlı və qazax tələbələr iştirak ediblər.

Soyqırımı qurbanlarının xatirəsinin bir dəqiqəlik sükutla yad edilməsi ilə başlayan tədbiri Azərbaycan Mərkəzinin rəhbəri İlkin Orucov açıb. O, erməni silahlı quldurlarının bölşeviklərlə birlikdə 1918-ci il martın 30-dan aprelin 3-dək Bakıda və ölkəmizin müxtəlif şəhər və qəzalarında dinc azərbaycanlılara qarşı vəhşicəsinə törətdikləri kütləvi qırğın barədə ətraflı məlumat verib. Mart soyqırımını xalqımızın tarixinə yazılmış ən dəhşətli faciələrdən biri adlandıran mərkəz rəhbəri qeyd edib ki, müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin “Azərbaycanlıların soyqırımı haqqında” 26 mart 1998-ci il tarixli fərmanına əsasən, 31 mart tarixi hər il Azərbaycanlıların Soyqırımı Günü kimi qeyd edilir.

Sonra universitetin tələbələri Vüsalə Əsgərova, Aytac Nağıyeva, Ayna Etrek və Gülzar Adilovanın faciəyə həsr olunmuş təqdimatları nümayiş etdirilib və mart qırğınından bəhs olunan sənədli film göstərilib.

Tədbir çərçivəsində mart soyqırımını əks etdirən kitablar təqdim olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktaudaki-azerbaycan-merkezinde-anim-tedbiri-teskil-edilib-2722

 

 

]]> Qazaxıstandakı Novruz festivallarında diasporumuz təmsil olunub https://nigeriagazetesi.com/qazaxistandaki-novruz-festivallarinda-diasporumuz-t%c9%99msil-olunub-h42432.html Fri, 24 Mar 2023 19:55:36 +0000 https://1453kralmedya.com/qazaxistandaki-novruz-festivallarinda-diasporumuz-t%c9%99msil-olunub-h42432.html

 

 

 

Qazaxıstandakı Novruz festivallarında diasporumuz təmsil olunub
23 mart, 2023
Qazaxıstandakı Novruz festivallarında diasporumuz təmsil olunub

Qazaxıstanın Almatı, Aktau, Kostanay və Türküstan vilayətlərində keçirilən Novruz festivallarında Azərbaycan diasporu fəal iştirak edib.

Aktau şəhərində baş tutan ənənəvi Novruz festivalında icmamızı “Dostluq” Azərbaycan Etnomədəni Birliyi təmsil edib.

Birliyin təşkilatçılığı ilə yaradılan Azərbaycan pavilyonunda ölkəmizin tarixini, mədəniyyətini, adət-ənənələrini və milli mətbəxini əks etdirən eksponatlar, rəmzlər, nümunələr təqdim olunub. Birlik sədri Şəmsəddin Hüseynov və Azərbaycanın Aktaudakı Baş konsulluğunun başçısı v.i.e Elçin Məmmədov vilayətin rəsmi şəxslərini və qonaqları qarşılayıblar. Ölkəmizdə Novruzun geniş şəkildə qeyd edildiyi, parlaq Zəfərimizdən sonra Novruz tonqallarının azad olunmuş Qarabağ torpaqlarında da alovlandırıldığı nəzərə çatdırılıb, qonaqlara Novruz hədiyyələri təqdim olunub.

Milli geyimli gənclərimiz pavilyonun önündə rəqslərimizi nümayiş etdiriblər.

Almatının Alatau rayonunda Novruz bayramı münasibətilə keçirilən 3 günlük festivalda Azərbaycanlı Qadınlar Komitəsinin üzvləri fəal iştirak ediblər.

 

 

 

 

 

Azərbaycan guşəsində qədim tariximizi, zəngin mədəniyyətimizi, adət-ənənələrimizi, milli mətbəximizi əks etdirən eksponatlar, suvenirlər, milli mətbəx nümunələri və Novruz xonçası nümayiş etdirilib. Milli geyimli azərbaycanlı uşaqlar doğma dilimizdə Novruza həsr olunmuş şeirlər söylərib, rəqslərimizi təqdim edib, yumurta döyüşdürüblər.

Almatı sakinləri və turistlər Azərbaycan guşəsinə böyük maraq göstəriblər.

Kostanay vilayətində keçirilən Novruz festivalında icmamızı “Birlik” ictimai birliyi təmsil edib. Rəsmi şəxsləri və müxtəlif millətlərin nümayəndələrini Azərbaycan pavilyonunda qarşılayan birlik sədri Rafail Hacıbalayev diasporumuz adından festival iştirakçılarını təbrik edib və xoş arzularını bildirib. Rəsmi şəxslər və digər qonaqlar zəngin Azərbaycan süfrəsinin qonağı olublar.

Türküstan vilayətinin Sarıaqaş rayonunun Jibek Jolı kəndində təşkil olunan festivalda icmamızı “Qarabağ” Azərbaycan Etnomədəni Birliyinin Sarıaqaş filialının üzvləri təmsil ediblər. Festival zamanı qızlardan ibarət rəqs qrupunun ifasında Azərbaycan rəqsləri təqdim olunub.

“Türkistan” televiziyasının “Turan Today” proqramına canlı qoşulan “Qarabağ” Azərbaycan Etnomədəni Birliyinin rəhbəri Ramilə Mustafayeva ölkəmizdəki Novruz ənənələri barədə ətraflı məlumat verib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qazaxistandaki-novruz-festivallarinda-diasporumuz-temsil-olunub-2665

 

 

 

]]>