Diaspora Bakanı Fuad Muradov – Nigeria Gazetesi https://nigeriagazetesi.com Wed, 21 Jun 2023 20:31:54 +0000 tr hourly 1 https://nigeriagazetesi.com/wp-content/uploads/2025/03/cropped-nigeria-32x32.webp Diaspora Bakanı Fuad Muradov – Nigeria Gazetesi https://nigeriagazetesi.com 32 32 Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib https://nigeriagazetesi.com/budapestd%c9%99ki-az%c9%99rbaycan-evind%c9%99-m%c9%99tb%c9%99xl%c9%99-bagli-usaqlara-ustad-d%c9%99rsi-numayis-etdirilib-h46708.html Wed, 21 Jun 2023 20:31:54 +0000 https://1453kralmedya.com/budapestd%c9%99ki-az%c9%99rbaycan-evind%c9%99-m%c9%99tb%c9%99xl%c9%99-bagli-usaqlara-ustad-d%c9%99rsi-numayis-etdirilib-h46708.html

Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib
21 iyun, 2023

 

 

 

Budapeştdəki Azərbaycan Evində mətbəxlə bağlı uşaqlara ustad dərsi nümayiş etdirilib

 

 

 

Macarıstanın paytaxtı Budapeştdə fəaliyyət göstərən Azərbaycan Evində uşaqlar üçün “Make & bake master class” layihəsinə start verilib.

 

 

 

 

Həftəsonu təşkil edilən tədbirdə kiçik yaşlı uşaqlar və valideynləri iştirak ediblər. Bu layihə övladlarımıza uşaq yaşlarından əməyə hörmət edilməsi və süfrə mədəniyyətinin aşılanması məqsədilə həyata keçirilir.

 

 

 

 

Ustad dərsini keçən müəllimlər uşaqlara undan müxtəlif formalı şirniyyatların hazırlanması prosesini nümayiş etdiriblər. Ustadların izah etdikləri qaydalar əsasında uşaqlar bu prosesə böyük həvəslə qatılıblar.

 

 

 

 

Dərsin sonunda uşaqlara sobadan çıxarılmış şirniyyatların süfrəyə təqdim olunması qaydaları da izah edilib. Uşaqlar valideynləri ilə birlikdə təamların dadına baxıblar.

 

 

 

 

 

Qeyd edək ki, Budapeşt Azərbaycan Evinin nəzdində Azərbaycan dili, musiqi, rəqs, rəsm, yoqa dərnəkləri də fəaliyyət göstərir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/budapestdeki-azerbaycan-evinde-metbexle-bagli-usaqlara-ustad-dersi-numayis-etdirilib-3137

]]> Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb https://nigeriagazetesi.com/fransada-az%c9%99rbaycanin-dostlari-assosiasiyasinin-prezidenti-fransiz-siyas%c9%99tcil%c9%99ri-az%c9%99rbaycanla-bagli-manipulyasiyalara-yol-verm%c9%99m%c9%99y%c9%99-cagirib-h46612.html Sun, 18 Jun 2023 08:46:32 +0000 https://1453kralmedya.com/fransada-az%c9%99rbaycanin-dostlari-assosiasiyasinin-prezidenti-fransiz-siyas%c9%99tcil%c9%99ri-az%c9%99rbaycanla-bagli-manipulyasiyalara-yol-verm%c9%99m%c9%99y%c9%99-cagirib-h46612.html

Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb

 

 

, 2023
Fransada Azərbaycanın Dostları Assosiasiyasının prezidenti fransız siyasətçiləri Azərbaycanla bağlı manipulyasiyalara yol verməməyə çağırıb

 

 

Fransada Azərbaycanın Dostları Assosiasiyasının (ADA) prezidenti Jerom Lamber ölkəmizlə bağlı növbəti manipulyasiyaya etiraz əlaməti olaraq Fransa Milli Assambleyasına müraciət edib.

Jerom Lamberin məktubunda bildirilib ki, Fransanın siyasi xadimləri ilə əcnəbilərin təsir şəbəkələri üzərində işləyən Milli Assambleyanın Təhqiqatlar Komissiyası bu illər ərzində erməni əsilli nüfuzlu şəxslərin həyata keçirdiyi əməliyyatları yoxlamır. O, fikrini ölkə parlamentinin qəbul etdiyi bir sıra qətnamələrlə əsaslandırıb. Qeyd edib ki, həmin qətnamələr bilərəkdən Ermənistanın nöqteyi-nəzərindən – beynəlxalq hüququn prinsiplərinin, BMT qətnamələrinin və ya Fransanın daimi xarici siyasətinin pozulmasına yol verilərək – qəbul edilib.

 

 

 

ADA prezidenti növbəti yanlışlığa nümunə kimi bu yaxınlarda Fransanın Respublikaçılar Partiyası rəhbərliyinin imzaladığı qətnamə layihəsinə diqqəti cəlb edib. Nəzərə çatdırıb ki, layihədə “öz müqəddəratını təyin edən Dağlıq Qarabağ Respublikası”na istinad kökündən yanlışdır, çünki bu termin beynəlxalq hüquqda yoxdur və heç kim, hətta Ermənistan özü belə bu “respublika”nı tanımayıb. Bu cür terminlərin istifadəsini yersiz və mənasız adlandıran J.Lamber vurğulayıb ki, Fransada çox fəal olan və fransız siyasi dairələrinə təsirini davam etdirən ultra-millətçi erməni diasporu istisna olmaqla, bu termindən heç kim istifadə etmir.

ADA prezidenti hesab edir ki, Ukrayna-Rusiya müharibəsi şəraitində erməni diasporunun ultra-millətçiləri tərəfindən hazırlanan bu mətn Ermənistanın Rusiyanın müttəfiqi olması imicinin “təmizlənməsinə” xidmət edir. Erməni diasporu məhz fransız siyasətçilərin vasitəsilə manipulyasiyaya ət ataraq bu “status”u Azərbaycana sırımağa cəhd göstərir. Halbuki son 30 illik tarix və indiki durum bunun əksini göstərir: “Bunu Ermənistan və Rusiya arasında Kollektiv Təhlükəsizlik Müqaviləsi Təşkilatı çərçivəsində mövcud olan hərbi saziş sübut edir. Bu müqavilə Rusiya ilə beş dövləti, o cümlədən Ermənistan və Belarusu birləşdirir”.

O xatırladıb ki, məhz Rusiya və Ermənistanın dövlət başçıları mayın 9-da Moskvada keçirilən hərbi paradda iştirak edən bir sıra rəhbərlər arasında olub. Bundan başqa, Ermənistan 2022-ci il 24 fevral tarixində Ukraynaya müdaxiləni BMT-də pisləməyən, bitərəf qalan çox az ölkələrdən biridir. Beləliklə, mətndə Ermənistan yanlış olaraq Qərb siyasətinin müttəfiqi kimi təqdim olunur, halbuki nə indi, nə də yaxın tarixdə belə müttəfiq olmayıb.

 

 

ADA prezidenti Azərbaycanın Qarabağ bölgəsindəki erməni əhalisinin “qeyri-insani blokadaya alınması” iddiasını da “faktların real manipulyasiyası” kimi qiymətləndirib. Bildirib ki, əgər 6 ay ərzində bu ərazinin blokadası olsaydı, bu, əhalinin yaşam tərzinə ciddi mənfi təsir edərdi: “Halbuki hamıda hər şey yaxşıdır və onlar orada normal yaşayırlar. Bu qondarma “blokada” əslində girişi qadağan olunmuş silah və Ermənistana faydalı qazıntıların daşınmasına qoyulan qadağaya əməl olunmasına nəzarətlə məhdudlaşır”.

Azərbaycanın beynəlxalq hüquq normalarına hörmət etdiyi, öz ərazisində yaşayan Qarabağ əhalisinin də bütün ölkə vətəndaşları kimi beynəlxalq səviyyədə tanınmış hüquqlardan istifadə edə biləcəyi bildirilib.

 

 

 

 

ADA prezidenti hesab edir ki, bu mətni imzalayanların müdafiə etdikləri “millətlərin öz müqəddəratını müəyyənləşdirməsi” prinsipi dəqiq beynəlxalq meyarlara uyğun olaraq tətbiq edilir, beynəlxalq qaydalarda isə ikili standart ola bilməz.

 

 

 

 

Azərbaycanın dünyəvi, multikultural və tolerant dövlət olduğu, Ermənistan Konstitusiyasının birmənalı olmadığı nəzərə çatdırılıb. Ermənistan Konstitusiyasının 18-ci maddəsində “Erməni Müqəddəs Apostol Kilsəsi”nin “Milli Kilsə” kimi tanındığı, mədəniyyətin inkişafında və milli özünüdərkin qorunub saxlanmasında bu kilsənin “müstəsna missiyasının” göstərildiyi yada salınıb. Bu məqamın respublika quruluşuna malik Fransanın dünyəvilik konsepsiyasına zidd olduğunu qeyd edən J.Lamber respublikanın seçilmiş nümayəndələrinin bu cür dünyəvilik konsepsiyasını tanımalarını şokedici fakt adlandırıb.

 

 

 

 

Ermənistanın və Qarabağda yaşayan erməni əsilli Azərbaycan əhalisinin yox olmaq və ya soyqırım təhlükəsi altında olmadığına diqqəti cəlb edən J.Lamber fransız siyasətçiləri ekstremist təsirlərə uymamağa və Azərbaycanla Ermənistan arasında sülhün bərqərar olması naminə çalışmağa çağırıb: “Bu gün xalqlar sülhə can atır və bizim millətin siyasətçiləri də bunun naminə çalışmalıdır. Ekstremist təbliğat aparmaqla bu nifrəti qızışdırmaq yolverilməzdir. Hər kəs onlara təzyiqlə təklif ediləni imzalamaqdan əvvəl yaxşı düşünməlidir. Ərazilərimizdəki bəzi seçkili vəzifəli şəxslərin elektoral maraqları, haradan gəlməsindən asılı olmayaraq, ekstremist tezislərin təsiri altında olmamalıdır”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/fransada-azerbaycanin-dostlari-assosiasiyasinin-prezidenti-fransiz-siyasetcileri-azerbaycanla-bagli-manipulyasiyalara-yol-vermemeye-cagirib-3116

]]> Komitə sədri Yuta-Azərbaycan Dostluq Təşkilatının sədri ilə görüşüb https://nigeriagazetesi.com/komit%c9%99-s%c9%99dri-yuta-az%c9%99rbaycan-dostluq-t%c9%99skilatinin-s%c9%99dri-il%c9%99-gorusub-h46582.html Sat, 17 Jun 2023 18:39:54 +0000 https://1453kralmedya.com/komit%c9%99-s%c9%99dri-yuta-az%c9%99rbaycan-dostluq-t%c9%99skilatinin-s%c9%99dri-il%c9%99-gorusub-h46582.html

Komitə sədri Yuta-Azərbaycan Dostluq Təşkilatının sədri ilə görüşüb

, 2023

 

 

 

Komitə sədri Yuta-Azərbaycan Dostluq Təşkilatının sədri ilə görüşüb

 

 

 

 

Diasporla İş üzrə Dövlət Komitəsinin sədri Fuad Muradovun ABŞ-da fəaliyyət göstərən Yuta-Azərbaycan Dostluq Təşkilatının rəhbəri Əsmər Qarayeva ilə görüşü keçirilib.

 

 

 

 

Komitə sədri Yuta ştatında yaşayan soydaşlarımızın Azərbaycan həqiqətlərinin, mədəniyyətinin və doğma dilimizin təbliği istiqamətindəki fəallığını yüksək qiymətləndirib. Yuta ştatı ilə ölkəmiz arasında müxtəlif sahələrdə əməkdaşlığın dərinləşdirilməsi istiqamətində diasporumuzun fəaliyyətinin daha da genişləndirilməsinə dair tövsiyələrini nəzərə çatdırıb.

 

 

 

 

Azərbaycan icmasının fəaliyyətindən danışan Əsmər Qarayeva həyata keçirilməsi nəzərdə tutulan layihələr və gələcək planlar barədə ətraflı məlumat verib. Yuta Universitetinin nəzdindəki Azərbaycan dili kurslarında xarici tələbələrə Azərbaycan dilini və mədəniyyətini tədris edən təşkilat rəhbəri bu proseslə bağlı düşüncələrini və ideyalarını bölüşüb.

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-sedri-yuta-azerbaycan-dostluq-teskilatinin-sedri-ile-gorusub-3112

]]> “Azİz” Ermənistanın Azərbaycanla sərhəddə ekoloji təxribatına etiraz edib https://nigeriagazetesi.com/aziz-erm%c9%99nistanin-az%c9%99rbaycanla-s%c9%99rh%c9%99dd%c9%99-ekoloji-t%c9%99xribatina-etiraz-edib-h46570.html Sat, 17 Jun 2023 13:59:51 +0000 https://1453kralmedya.com/aziz-erm%c9%99nistanin-az%c9%99rbaycanla-s%c9%99rh%c9%99dd%c9%99-ekoloji-t%c9%99xribatina-etiraz-edib-h46570.html

“Azİz” Ermənistanın Azərbaycanla sərhəddə ekoloji təxribatına etiraz edib
, 2023

 

 

 

“Azİz” Ermənistanın Azərbaycanla sərhəddə ekoloji təxribatına etiraz edib

 

 

 

 

İsraildə fəaliyyət göstərən Azərbaycan diasporu ölkəmizlə sərhəddə Ermənistanın ekoloji durumun gərginləşdirilməsi istiqamətində atdığı növbəti yolverilməz addımla əlaqədar beynəlxalq ictimaiyyətə müraciət edib.

 

 

 

 

“Azİz” İsrail-Azərbaycan Beynəlxalq Assosiasiyası adından yerli ictimaiyyətə və beynəlxalq təşkilatlara ünvanlanan bəyanatda bildirilib ki, Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsi dərin narahatlıq hissi doğurur.

 

 

 

 

 

Qeyd edilib ki, bu xoşagəlməz durum Ermənistan tərəfindən beynəlxalq hüquq norma və prinsiplərinin, xüsusilə də BMT-nin Avropa İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Konvensiyasının (Espo Konvensiyası) müddəlarının kobud surətdə pozulması deməkdir. Espo Konvensiyasının müddəalarına görə, digər ölkələrə mənfi ekoloji təsir baxımından Ermənistanın öz ərazisində planlaşdırdığı bu fəaliyyəti Azərbaycanın müvafiq qurumları ilə razılaşdırmalı olduğunun zəruriliyinə diqqət cəlb edilib.

 

 

 

 

Ermənistanın daim beynəlxalq hüquq və ekoloji hüquq normalarını kobudcasına pozduğu, Azərbaycanın bir müddət öncə Metsamor Atom Elektrik Stansiyasının ərazisində yeni nüvə reaktorunun tikintisi planları ilə əlaqədar qonşu ölkənin Espo Konvensiyasının müddəalarına əməl etmədiyi barədə qərar çıxarılmasına nail olduğu, iri mədən müəssisələri olan Qacaran mis-molibden zavodunun və Qafan filiz emalı kombinatının yüksək kimyəvi tərkibli istehsalat sularının uzun müddət transsərhəd Oxçuçayı intensiv şəkildə çirkləndirməklə Azərbaycanın ekoloji mühitinə ciddi zərər vurduğu kimi faktlar bir daha yada salınıb.

 

 

 

 

 

“Azİz” beynəlxalq ictimaiyyəti regionun ekoloji təhlükəsizliyinə zərbə vuran, beynəlxalq hüquq normalarına zidd əməllər həyata keçirən Ermənistana təzyiq göstərməyə çağırıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/aziz-ermenistanin-azerbaycanla-serhedde-ekoloji-texribatina-etiraz-edib-3115

]]> Azərbaycan diaspor təşkilatları Ermənistanın Naxçıvan MR-lə sərhəddə iri metallurgiya zavodu tikməsi ilə bağlı bəyanat yayıb https://nigeriagazetesi.com/az%c9%99rbaycan-diaspor-t%c9%99skilatlari-erm%c9%99nistanin-naxcivan-mr-l%c9%99-s%c9%99rh%c9%99dd%c9%99-iri-metallurgiya-zavodu-tikm%c9%99si-il%c9%99-bagli-b%c9%99yanat-yayib-h46430.html Wed, 14 Jun 2023 07:21:21 +0000 https://1453kralmedya.com/az%c9%99rbaycan-diaspor-t%c9%99skilatlari-erm%c9%99nistanin-naxcivan-mr-l%c9%99-s%c9%99rh%c9%99dd%c9%99-iri-metallurgiya-zavodu-tikm%c9%99si-il%c9%99-bagli-b%c9%99yanat-yayib-h46430.html

Azərbaycan diaspor təşkilatları Ermənistanın Naxçıvan MR-lə sərhəddə iri metallurgiya zavodu tikməsi ilə bağlı bəyanat yayıb

, 2023

 

 

 

Azərbaycan diaspor təşkilatları Ermənistanın Azərbaycanla, Naxçıvan Muxtar Respublikası ilə sərhəddə – Yerasx (Arazdəyən) kəndində iri metallurgiya zavodunun inşasının aparılması ilə bağlı beynəlxalq təşkilatlara ünvanlanan bəyanat yayıb.

 

 

 

Azərbaycan diaspor təşkilatları Ermənistanın Naxçıvan MR-lə sərhəddə iri metallurgiya zavodu tikməsi ilə bağlı bəyanat yayıb
Bəyanatda deyilir:

 

 

 

“Biz, dünyanın müxtəlif ölkələrində yaşayan azərbaycanlılar Ermənistanın Azərbaycanla, Naxçıvan Muxtar Respublikası ilə sərhəddə – Yerasx (Arazdəyən) kəndində iri metallurgiya zavodunun inşasının aparılması ilə bağlı xəbərini dərin hiddətlə qarşılayır və bu reallığı Ermənistanın ekoloji vəziyyətin gərginləşməsi istiqamətində növbəti addımının ifşası kimi dəyərləndiririk.

 

 

 

16 500 kvadratmetr sahədə illik istehsal gücü 180 000 ton olan belə bir zavodun tikilməsi Ermənistan tərəfindən beynəlxalq hüquq norma və prinsiplərinin, xüsusilə də BMT-nin Avropa İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Konvensiyasının (Espo Konvensiyası) müddəlarının kobud surətdə pozulması deməkdir.

 

 

 

 

Mövcud Espo Konvensiyasının müddəalarına görə, Ermənistan öz ərazisində planlaşdırdığı belə bir iri təsərrüfat fəaliyyətinin digər ölkələrin, xüsusilə Azərbaycanın ərazisinə mənfi ekoloji təsiri olduğu üçün bu fəaliyyəti Azərbaycanın müvafiq qurumları ilə razılaşdırılmalıdır.

 

 

 

 

Ermənistanın bu addımı beynəlxalq hüquq, o cümlədən ekoloji hüquq normalarına riayət edilməməsi ilk hal deyil. Belə ki, bir müddət əvvəl Azərbaycan Metsamor Atom Elektrik Stansiyasının ərazisində yeni nüvə reaktorunun tikintisi planları ilə əlaqədar Espo Konvensiyası çərçivəsində Ermənistana qarşı haqlı iddia ilə çıxış etmişdir. Nəticədə Ermənistanın Konvensiyanın müddəalarına əməl etmədiyi barədə qərar çıxarılmasına nail olmuşdur.

 

 

 

 

Bildiririk ki, Ermənistanın iri mədən müəssisələri – Qacaran mis-molibden zavodu və Qafan filiz emalı kombinatının yüksək kimyəvi tərkibli istehsalat suları uzun müddət transsərhəd Oxçuçayı intensiv şəkildə çirkləndirməklə Azərbaycanın ekoloji mühitinə ciddi mənfi təsir göstərməkdədir.

 

 

 

Qeyd etdiyimiz faktlar bir daha sübut edir ki, Ermənistan öz qanunsuz fəaliyyətləri ilə ümumi regionun ekoloji mühiti üçün təhlükə yaradır.

 

 

Xaricdə yaşayan azərbaycanlılar kimi soydaşlarımızın haqq səsinə qoşularaq Ermənistanın regionun ekoloji təhlükəsizliyinə zərbə vuran, beynəlxalq hüquq normalarına zidd olan əməllərini qətiyyətlə pisləyir, beynəlxalq ictimaiyyəti bu məsələdə Ermənistana təzyiq göstərməyə çağırırıq”.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-diaspor-teskilatlari-ermenistanin-naxcivan-mr-le-serhedde-iri-metallurgiya-zavodu-tikmesi-ile-bagli-beyanat-yayib-3101

]]> Sankt-Peterburqda Heydər Əliyevin 100 illiyi təntənəli konsertlə qeyd edilib https://nigeriagazetesi.com/sankt-peterburqda-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h46238.html Thu, 08 Jun 2023 13:40:52 +0000 https://1453kralmedya.com/sankt-peterburqda-heyd%c9%99r-%c9%99liyevin-100-illiyi-t%c9%99nt%c9%99n%c9%99li-konsertl%c9%99-qeyd-edilib-h46238.html

 

 

 

Sankt-Peterburqda Heydər Əliyevin 100 illiyi təntənəli konsertlə qeyd edilib
2023
Sankt-Peterburqda Heydər Əliyevin 100 illiyi təntənəli konsertlə qeyd edilib

Rusiyanın Sankt-Peterburq şəhərindəki “Ledovıу” sarayında müasir Azərbaycan dövlətinin qurucusu Heydər Əliyevin anadan olmasının 100 illiyi münasibətilə “Yüzilliklər boyu dostluq” adlı təmtəraqlı qala-konsert keçirilib.

 

 

 

“Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatı tərəfindən təşkil edilən tədbirdə rəsmi şəxslər, yerli ictimaiyyətin müxtəlif təbəqələrinin və milli birliklərin təmsilçilərindən ibarət 12 min tamaşaçı iştirak edib. Qonaqlar arasında şəhərin qubernatoru Aleksandr Beqlov, Sankt-Peterburqun Qanunvericilik Məclisinin sədri Aleksandr Belski, Diasporla İş üzrə Dövlət Komitəsinin (DİDK) sədr müavini Vaqif Seyidbəyov və başqaları olub.

Tədbir iştirakçılarını “Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının sədri Vaqif Məmişov salamlayıb.

 

 

 

Tədbirdə çıxış edən Komitə sədrinin müavini V.Seyidbəyov şəhər ictimaiyyətini yubiley münasibətilə təbrik edib, bu il ölkəmizdə və dünyanın müxtəlif ölkələrində xalqımızın görkəmli siyasi və dövlət xadimi Heydər Əliyevin anadan olmasının 100 illik yubileyinə həsr olunmuş tədbirlərin keçirildiyini bildirib. Bu mühüm hadisə ilə əlaqədar Azərbaycan Prezidenti İlham Əliyevin müvafiq Sərəncamı ilə ölkəmizdə “Heydər Əliyev İli” elan edildiyi nəzərə çatdırılıb. Sovet dövründə Heydər Əliyevin Moskvada yüksək vəzifələrindən birini tutduğunu xatırladan Komitə sədrinin müavini bildirib ki, böyük öndər Azərbaycan Prezidenti olduğu illərdə qonşu ölkə ilə ikitərəfli münasibətlərin inkişafı naminə misilsiz xidmətlər göstərib, Sankt-Peterburq şəhərinə də rəsmi səfərlər edib: “Hazırda Azərbaycan və Rusiya arasında qarşılıqlı münasibətlər yüksək səviyyədədir və bu münasibətlərin qurulmasının bünövrəsi Heydər Əliyev tərəfindən qoyulub. Dövlətlərimizin liderləri arasında dostluq münasibətləri də buna bariz nümunədir”.

Sədr müavini DİDK nümayəndə heyətinin möhtəşəm tədbirə dəvət olunmasına görə şəhər rəhbərliyinə, eləcə də Rusiyanın müxtəlif şəhərlərində “Heydər Əliyev İli” çərçivəsində çoxlu sayda tədbirlər keçirən diasporumuza və rusiyalılara minnətdarlığını bildirib, “Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının və sədr Vaqif Məmişovun diaspor fəaliyyətini yüksək qiymətləndirib.

Tədbir Heydər Əliyevin uzaqgörən siyasətindən və Azərbaycan-Rusiya münasibətlərinin inkişafındakı böyük xidmətlərindən bəhs edən filmin nümayişi ilə davam edib.

 

 

 

Sonra Azərbaycandan gələn incəsənət xadimlərinin, Mariinski Teatrının artistlərinin və Sankt-Peterburqun milli-mədəni birliklərinin yaradıcı kollektivlərinin ifasında konsert proqramı təqdim edilib. İkinci Dünya müharibəsi və Qərb Hərbi Dairəsinin orta yaş həddi 88 olan veteranlarından ibarət xorun çıxışı alqışlarla qarşılanıb.

Qeyd edək ki, konsertdən öncə şəhərin qubernatoru Aleksandr Beqlov və Qanunvecilik Məclisinin sədri Aleksandr Belski MDB ölkələrini əhatə edən veteranlar və blokada dövrünün sakinləri ilə görüşüb, gənclərin vətənpərvər ruhda yetişməsində fəal iştiraklarına görə onlara minnətdarlıqlarını bildiriblər.

“Sankt-Peterburq və Leninqrad vilayətində Azərbaycan Milli-Mədəni Muxtariyyəti” şəhər ictimai təşkilatının sədri Vaqif Məmişova bayram tədbirinin təşkilində xidmətlərinə görə “Sankt-Peterburqun 320 illiyi” medalı təqdim edilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterburqda-heyder-eliyevin-100-illiyi-tenteneli-konsertle-qeyd-edilib-3076

 

 

]]> Dövlət Komitəsinin nəşrləri Milli Kitab Sərgisində maraqla qarşılanıb https://nigeriagazetesi.com/dovl%c9%99t-komit%c9%99sinin-n%c9%99srl%c9%99ri-milli-kitab-s%c9%99rgisind%c9%99-maraqla-qarsilanib-h46210.html Wed, 07 Jun 2023 19:48:06 +0000 https://1453kralmedya.com/dovl%c9%99t-komit%c9%99sinin-n%c9%99srl%c9%99ri-milli-kitab-s%c9%99rgisind%c9%99-maraqla-qarsilanib-h46210.html

 

 

 

 

Dövlət Komitəsinin nəşrləri Milli Kitab Sərgisində maraqla qarşılanıb
, 2023

 

 

 

Dövlət Komitəsinin nəşrləri Milli Kitab Sərgisində maraqla qarşılanıb
İçərişəhərdə keçirilən V Milli Kitab Sərgisisində “Azərbaycan dilinin müasir vəziyyəti” adlı panel keçirilib.

Paneldə xaricdəki həftəsonu məktəbləri üçün hazırlanan “Azərbaycan dili” dərsliyi, eləcə də Orta Asiyada yaşayan soydaşlarımız üçün nəşr olunan bir neçə kitab da təqdim olunub.

 

 

 

 

Azərbaycan dili ilə bağlı maraqlı müzakirənin, qarşılıqlı fikir mübadiləsinin aparıldığı panel alimlərin, filoloqların və Disasporla İş üzrə Dövlət Komitəsinin nümayəndəsinin iştirakı ilə təşkil olunub. Paneldə DİDK-nın xaricdə yaşayan soydaşlarımızın ana dilini öyrənmələri istiqamətində həyata keçirdiyi layihələrə xüsusi diqqət çəkilib.

 

 

 

 

 

Paytaxt sakinləri xarici ölkələrdə fəaliyyət göstərən həftəsonu Azərbaycan məktəbləri üçün hazırlanmış “Azərbaycan dili” dərsliyinə xüsusi maraq göstərib və DİDK tərəfindən sərgiyə təqdim olunan kitablar onlara hədiyyə olunub.

 

 

 

 

Qeyd edək ki, dərslik Dasporla İş üzrə Dövlət Komitəsinin Təhsil Nazirliyi ilə birlikdə çap etdirdiyi nəşrdir və artıq bir neçə ildir ki, xaricdə yaşayan soydaşlarımız məhz həmin vəsaitin köməyi ilə ana dilini öyrənir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-nesrleri-milli-kitab-sergisinde-maraqla-qarsilanib-3062

 

 

]]> Neapol-Bakı Assosiasiyası Respublika Günü münasibətilə İtaliya ictimaiyyətini təbrik edib https://nigeriagazetesi.com/neapol-baki-assosiasiyasi-respublika-gunu-munasib%c9%99til%c9%99-italiya-ictimaiyy%c9%99tini-t%c9%99brik-edib-h46202.html Wed, 07 Jun 2023 13:55:10 +0000 https://1453kralmedya.com/neapol-baki-assosiasiyasi-respublika-gunu-munasib%c9%99til%c9%99-italiya-ictimaiyy%c9%99tini-t%c9%99brik-edib-h46202.html

 

 

 

Neapol-Bakı Assosiasiyası Respublika Günü münasibətilə İtaliya ictimaiyyətini təbrik edib
, 2023

Resim
Neapol-Bakı Assosiasiyası Respublika Günü münasibətilə İtaliya ictimaiyyətini təbrik edib
Neapol-Bakı Assosiasiyası bu ölkədə yaşayan Azərbaycan icması adından İtaliya hökumətinin və ictimaiyyətini 2 İyun – Respublika Günü münasibətilə təbrik edib.

 

 

 

 

Neapol-Bakı Assosiasiyasının vitse-prezidenti Elnur Camalxanovun imzası ilə müxtəlif dövlət qurumlarına və siyasi partiyalara ünvanlanın təbrik məktubunda deyilir:

“İtaliyada yaşayan azərbaycanlılar adından İtaliyanı və italiyalı dostlarımızı 2 İyun – Respublika Günü münasibətilə ürəkdən təbrik edirik.

 

 

 

 

Burada – ikinci vətənimizə çevrilmiş İtaliyada biz milli kimliyimizi dinc və təhlükəsiz şəraitdə qoruyub saxlamağa, daha firavan iqtisadiyyat və həyat qurmağa, hamımızın mənsub ola və fəxr edə biləcəyimiz gələcək inklüziv cəmiyyət yaratmağa davam edirik.

Biz öz ənənəvi üslubumuzda söz, ibadət və yaşamaq azadlığına malik müstəqil və tolerant xalqın və cəmiyyətin bir hissəsi olmaqdan qürur duyuruq.

 

 

 

Milli bayramınız mübarək!”

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/neapol-baki-assosiasiyasi-respublika-gunu-munasibetile-italiya-ictimaiyyetini-tebrik-edib-3065

 

 

]]> Diasporumuz Klaypeda şəhərində “Milli Mədəniyyətlər Günü” festivalında iştirak edib https://nigeriagazetesi.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html Mon, 05 Jun 2023 18:12:17 +0000 https://1453kralmedya.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html

Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

, 2023
Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

Litvanın Klaypeda şəhərində keçirilən “Milli Mədəniyyətlər Günü” festivalında Azərbaycanı bu ölkədə fəaliyyət göstərən “Azəris” Cəmiyyəti təmsil edib.

 

 

 

 

 

Klaypeda Milli Mədəniyyətlər Mərkəzinin təşkilatçılığı ilə keçirilən təntənəli festival bu il Klaypeda diyarının Litvaya birləşdirilməsinin 100 illiyinə həsr olunub.

Bayram tədbiri zamanı festival iştirakçılarının mərkəzi küçələrlə qala-konsertin keçiriləcəyi “Arka” abidəsinə qədər möhtəşəm yürüşü keçirilib. Onların arasında Azərbaycan bayrağını qürurla daşıyan milli geyimli “Azəris” Cəmiyyətinin fəalları da olub.

Tədbir iştirakçılarını bir neçə dildə salamlayan Klaypeda meri Arvidas Vayktus çoxmillətli şəhərə və ona mədəni müxtəliflik bəxş edən icmaların nümayəndələrinə xoş arzularını ifadə edib.

3 saat davam edən qala-konsertdə Rəna Məmmədovanın rəhbərlik etdiyi “Azəris” Azərbaycan həftəsonu məktəbinin yetirmələri milli rəqslərimizi nümayiş etdiriblər.

 

 

 

 

 

Dane çayı yaxınlığındakı yarmarkada qurulmuş Azərbaycan pavilyonunda isə xalqımızın zəngin mədəniyyətini, milli adət-ənənələrini və mətbəxini əks etdirən nümunələr təqdim olunub.

 

 

 

 

Qeyd edək ki, “Azəris” Cəmiyyətinə Klaypeda şəhərində yaşayan Əliağa Məmmədov rəhbərlik edir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporumuz-klaypeda-seherinde-milli-medeniyyetler-gunu-festivalinda-istirak-edib-3051

]]> Kanadanın Kalqari şəhərində Azərbaycan Bayrağı ucaldılıb https://nigeriagazetesi.com/kanadanin-kalqari-s%c9%99h%c9%99rind%c9%99-az%c9%99rbaycan-bayragi-ucaldilib-h46079.html Sun, 04 Jun 2023 09:44:13 +0000 https://1453kralmedya.com/kanadanin-kalqari-s%c9%99h%c9%99rind%c9%99-az%c9%99rbaycan-bayragi-ucaldilib-h46079.html

 

 

Kanadanın Kalqari şəhərində Azərbaycan Bayrağı ucaldılıb
, 2023
Kanadanın Kalqari şəhərində Azərbaycan Bayrağı ucaldılıb
Kanadanın Kalqari şəhər meriyasının önündə 28 May – Azərbaycanın Müstəqillik Günü münasibətilə Azərbaycan Bayrağının təmtəraqlı qaldırılma mərasimi keçirilib.

 

 

 

“Alberta Azərbaycan Mədəniyyət Cəmiyyəti”nin (ALACS) və “Azeri Calgary Stars”ın birgə təşkilatçılığı ilə baş tutan mərasimdə soydaşlarımız və yerli ictimaiyyətin nümayəndələri iştirak ediblər.

 

 

 

Azərbaycanın Dövlət Himninin sədaları altında ücrəngli bayrağımızın səmaya ucaldılmasından sonra cəmiyyətin nəzdindəki “Azeri Calgary Stars” və “Spirit of Land of Fire” rəqs qruplarının ifasında rəngarəng konsert proqramı nümayiş etdirilib.

Azərbaycan icmasının fəalları mərasimi və konserti maraqla izləyən yerli sakinlərə 105 il öncə türk və müsəlman aləmində ilk dəfə olaraq Azərbaycanda demokratik və dünyəvi respublikanın elan olunduğu barədə məlumat veriblər. Zəngin siyasi və mədəni irsə malik olan Azərbaycan xalqının bu mühüm tarixi hadisə ilə bağlı qürur duyduğunu nəzərə çatdırıblar.

Tədbir Azərbaycan Bayrağının fonunda xatirə şəkillərinin çəkilməsi ilə başa çatıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanadanin-kalqari-seherinde-azerbaycan-bayragi-ucaldilib-3043

 

 

]]>