İsveçrənin Bazel şəhərində fəaliyyət göstərən “Azərbaycanın Dostları” Birliyinin #31Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

📌 https://t.co/aKlUoHlyOi pic.twitter.com/1cmOrY5EVc

— Azerbaijani Diaspora (@DiasporaAz) January 5, 2023

 

 

“Azərbaycanın Dostları” Birliyinin “Ritm” rəqs qrupu ilə birgə yeni layihəsi təqdim edilib
5 yanvar, 2023
“Azərbaycanın Dostları” Birliyinin “Ritm” rəqs qrupu ilə birgə yeni layihəsi təqdim edilib
İsveçrənin Bazel şəhərində fəaliyyət göstərən “Azərbaycanın Dostları” Birliyinin 31 Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

Diasporla İş üzrə Dövlət Komitəsinin dəstəyi və “Azərbaycanın Dostları” Birliyinin təşkilatçılığı ilə hazırlanan videoçarx “Ritm” rəqs qrupunun Avropaya turu çərçivəsində ərsəyə gəlib.

Bazel məbədi (Basel Minster) önündə çəkilişləri aparılan videoçarxda dahi Azərbaycan bəstəkarı Üzeyir Hacıbəylinin “Fantaziya 1” (Qaytağı) əsəri əsasında quruluş verilmiş rəqs təqdim olunub. Əsəri tanınmış kamança ustası İmamyar Həsənov və onun musiqi qrupu ifa edib.

Rəqsin quruluşçusu “Ritm” rəqs qrupunun üzvü, xoreoqraf Seymur Nəbi-zadə, geyim üzrə rəssamı Leyla Əliyevadır. Rəqsi Dərya Maslakova, Nurlana İbrahimova, Cəmilə Məlikova, Tunar Əzizli, Seymur Nəbi-zadə, Firuz Əlövsədov ifa ediblər.

Qeyd edək ki, “Ritm”rəqs qrupu 2011-ci ildə fəaliyyətə başlayıb. Bakı Dövlət Universitetinin rəqs kollektivinin 4 üzvü ilə yaradılan bu qrupun əsas məqsədi milli rəqslərimizi ölkəmizdə və xaricdə peşəkarcasına təbliğ etməkdir. Bu günə qədər “Ritm” rəqs qrupu Gürcüstan, Türkiyə, Rusiya, Amerika Birləşmiş Ştatları, Şimali Kipr Türk Respublikası, Çin, Belarus, Monteneqro, İsveçrə, Almaniya kimi xarici ölkələrdə Azərbaycanı layiqincə təmsil edib.

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/azerbaycanin-dostlari-birliyinin-ritm-reqs-qrupu-ile-birge-yeni-layihesi-teqdim-edilib-2156

 

 

İsveçrənin Bazel şəhərində fəaliyyət göstərən “Azərbaycanın Dostları” Birliyinin #31Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

📌 https://t.co/aKlUoHlyOi pic.twitter.com/1cmOrY5EVc

— Azerbaijani Diaspora (@DiasporaAz) January 5, 2023

 

Türkiyənin Manisa şəhərində #31Dekabr – Dünya Azərbaycanlılarının Həmrəylik Günü münasibətilə bayram tədbiri keçirilib.

📌 https://t.co/DOZ7tq5HOp pic.twitter.com/aqUV73mLD2

— Azerbaijani Diaspora (@DiasporaAz) December 30, 2022

 

 

Manisada Həmrəylik Günü bayram edilib

2022
Manisada Həmrəylik Günü bayram edilib

Türkiyənin Manisa şəhərində 31 dekabr – Dünya Azərbaycanlılarının Həmrəylik Günü münasibətilə bayram tədbiri keçirilib.

Manisa-Azərbaycan Kültür və Həmrəylik Dərnəyinin təşkilatçılığı ilə Manisa Böyükşəhər Bələdiyyəsində baş tutan tədbirdə yerli dövlət orqanlarının, vətəndaş cəmiyyətinin, Azərbaycan icmasının nümayəndələri və azərbaycanlı tələbələr iştirak ediblər.

Qonaqları salamlayan Manisa-Azərbaycan Kültür və Həmrəylik Dərnəyinin sədri Şentürk Hoşgül bayram münasibətilə soydaşlarımızı təbrik edib, Həmrəylik Gününün tarixindən və əhəmiyyətindən danışıb: “1989-cu ilin sonlarında Araz çayının hər iki tərəfində dəmir sədlərlə ayrılan Azərbaycan türkləri məftilləri sökərək bir araya gəlmək istədilər. Naxçıvan Muxtar Respublikası Ali Məclisinin sədri olarkən ümummilli lider Heydər Əliyev 1991-ci il dekabrın 16-da 31 dekabr tarixinin “Dünya Azərbaycanlılarının Həmrəylik Günü” kimi qeyd olunması barədə qərar imzaladı. Naxçıvan Ali Məclisi bununla bağlı qanunvericilik aktının qəbul olunması üçün ölkə parlamentinə – Azərbaycan Respublikasının Ali Sovetinə müraciət etdi. Dekabrın 25-də Ali Sovetin Milli Şurası müraciəti nəzərə alaraq, dekabrın 31-nin Dünya Azərbaycanlılarının Həmrəylik Günü elan olunması barədə qanun qəbul etdi. O zamandan 31 dekabr – Dünya Azərbaycanlılarının Həmrəylik Günü kimi rəsmən bütün dünyada qeyd olunur. Artıq bu əlamətdar gün həmrəylik rəmzinə çevrilib”.

Tədbir zamanı Manisa Cəlal Bayar Universitetində təhsil alan Manisa Azərbaycanlı Tələbələr Cəmiyyətinin üzvləri Nərmin Qardaşova, Fatih Solmaz, Aydın Musayev, Ülkər Yavərli, Sənan Teymurzadə, Sabir Xəlilov və Məhəmməd Adilova uğurlu fəaliyyətlərinə görə təşəkkür plaketi təqdim olunub.

Tədbir bədii hissə ilə davam edib.

 

FOTO QALEREYA

 

 

 

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/manisada-hemreylik-gunu-bayram-edilib-2141

 

 

Türkiyənin Manisa şəhərində #31Dekabr – Dünya Azərbaycanlılarının Həmrəylik Günü münasibətilə bayram tədbiri keçirilib.

📌 https://t.co/DOZ7tq5HOp pic.twitter.com/aqUV73mLD2

— Azerbaijani Diaspora (@DiasporaAz) December 30, 2022

Macarıstanın paytaxtı Budapeştdə #31Dekabr – Dünya Azərbaycanlılarının Həmrəylik Gününə həsr olunmuş tədbir keçirilib.

📌 https://t.co/kl5CGyap7U pic.twitter.com/NkOYQShP7X

— Azerbaijani Diaspora (@DiasporaAz) December 28, 2022

 

 

Həmrəylik Günü Budapeştdəki soydaşlarımızı bir araya gətirib

2022
Həmrəylik Günü Budapeştdəki soydaşlarımızı bir araya gətirib
Macarıstanın paytaxtı Budapeştdə 31 dekabr – Dünya Azərbaycanlılarının Həmrəylik Gününə həsr olunmuş tədbir keçirilib.

Budapeşt şəhərindəki Azərbaycan Evinin və Azərbaycanın Macarıstandakı səfirliyinin birgə təşkil etdiyi bayram tədbirində Azərbaycan diasporunun fəalları və Macarıstanda təhsil alan azərbaycanlı tələbələr iştirak ediblər.

Tədbir Azərbaycanın Dövlət Himninin səsləndirilməsi ilə başlayıb.

Sonra tədbirdə ölkəmizin Macarıstandakı səfiri Tahir Tağızadə, Türk Dövlətləri Təşkilatının Budapeştdəki mümayəndəlik ofisinin rəhbəri Yanoş Hovari və Azərbaycan Evinin rəhbəri İbrahim Səfərli çıxış ediblər. Onlar bayram münasibətilə soydaşlarımızı təbrik edib, xaricdəki soydaşlarımızın və Azərbaycan diasporunun güclənməsində, mütəşəkkül qüvvəyə çevrilməsində həmrəylik gününün rolundan danışıblar.

Tədbirin bədii hissəsində azərbaycanlı tələbələrin və Azərbaycan Evinin nəzdindəki musiqi dərnəyində təhsil alan şagirdlərin ifasında mahnılar səsləndirilib.

FOTO QALEREYA

 

 

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/hemreylik-gunu-budapestdeki-soydaslarimizi-bir-araya-getirib-2128

 

 

Macarıstanın paytaxtı Budapeştdə #31Dekabr – Dünya Azərbaycanlılarının Həmrəylik Gününə həsr olunmuş tədbir keçirilib.

📌 https://t.co/kl5CGyap7U pic.twitter.com/NkOYQShP7X

— Azerbaijani Diaspora (@DiasporaAz) December 28, 2022

 

Marneulidə #31Dekabr – Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.

📌 https://t.co/gpdZvvFtCf pic.twitter.com/Xt2qqqtsob

— Azerbaijani Diaspora (@DiasporaAz) December 29, 2022

 

 

Marneulidə bayram tədbiri keçirilib

29 dekabr, 2022

Marneulidə bayram tədbiri keçirilib

Marneulidə 31 Dekabr – Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.

Gürcüstan Azərbaycanlılarının İnteqrasiya Mərkəzinin təşəbbüsü ilə baş tutan tədbirdə şəhər sakinləri ilə yanaşı, müxtəlif yerlərdən gələn qonaqlar, mədəniyyət xadimləri və ictimaiyyət nümayəndələri iştirak ediblər.

Çıxış edənlər soydaşlarımızı bayram münasibətilə təbrik edib, Həmrəylik Gününün tarixindən və əhəmiyyətindən danışıblar.

GAİM-də fəaliyyət göstərən kursların şagirdlərinin ifasında müxtəlif musiqi və idman nömrələri təqdim olunub.

Sonda kursların məzunlarına sertifikatlar, müəllimlər heyətinə təşəkkürnamələr verilib.

 

FOTO QALEREYA

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/marneulide-bayram-tedbiri-kecirilib-2133

 

 

Marneulidə #31Dekabr – Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.

📌 https://t.co/gpdZvvFtCf pic.twitter.com/Xt2qqqtsob

— Azerbaijani Diaspora (@DiasporaAz) December 29, 2022

 

Niderlandın Rotterdam şəhərində #31Dekabr – Dünya Azərbaycanlılarının Həmrəylik Günü və Yeni il münasibətilə tədbir keçirilib.

📌 https://t.co/h4IaHSEqvw pic.twitter.com/8idcIJF38O

— Azerbaijani Diaspora (@DiasporaAz) December 29, 2022

 

 

Rotterdamda Həmrəylik Günü qeyd edilib

2022

Rotterdamda Həmrəylik Günü qeyd edilib

Niderlandın Rotterdam şəhərində 31 dekabr – Dünya Azərbaycanlılarının Həmrəylik Günü və Yeni il münasibətilə tədbir keçirilib.

Benilüks Azərbaycanlıları Konqresinin nəzdində fəaliyyət göstərən “Qarabağ” idman klubunun ofisində baş tutan tədbir Azərbaycanın Dövlət Himninin səsləndirilməsi, ölkəmizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsinin yad edilməsi ilə başlayıb.

Tədbiri giriş sözü ilə açan Benilüks Azərbaycanlıları Konqresinin (BAK) sədri Elsevər Məmmədov bayram münasibətilə soydaşlarımızı təbrik edib, Həmrəylik Gününün tarixindən və dünya azərbaycanlıları üçün əhəmiyyətindən danışıb.

Tədbirdə Ana Vətən Avropa Azərbaycanlı Qadınları Birliyinin rəhbəri Mayisə Ağamirzəyeva, Niderland-Azərbaycan Odlar Yurdu Cəmiyyətinin rəhbəri Frəngiz Bağırova və başqaları çıxış edərək soydaşlarımızın mütəşəkkil qüvvəyə çevrilməsində həmrəylik gününün güclü təsirindən bəhs ediblər.

BAK-ın tərkibində yeni yaranmış Güney Azərbaycanlıları nümayəndəliyinin başçısı Araz Ataxan diqqəti Arazın o biri tayında baş verən hadisələrə yönəldərək, dünya azərbaycanlılarını cənublu qardaş və bacılarımızı dəstəkləməyə çağırıb.

Tədbirə qonaq qismində dəvət olunmuş Media Araşdırmaçılar və Monitorinq Mərkəzinin, eləcə də “Reaksiya” internet televiziyasının rəhbəri Zaur Qəriboğlu Niderlandda fəaliyyət göstərən diaspor təşkilatlarının fəallığını xüsusi qeyd edib, diaspor təşkilatlarının rəhbərlərinə təşəkkür plaketləri təqdim edib. Elsevər Məmmədov isə “Qarabağ” idman klubuna məxsus formanı jurnalistə hədiyyə edib.

Tədbir Haarlem “Körpə Fidanlar” musiqili teatr qrupunun və Rotterdam həftəsonu Azərbaycan məktəbinin şagirdlərinin konsert proqramı ilə davam edib.

Tədbir iştirakçıları “Körpə Fidanlar”ın bədii rəhbəri Sima Cəfərovaya, müəllimi Nigar Cəfərovaya, həftəsonu Azərbaycan məktəbinin rəhbəri Zərifə Süleymanovaya hazırladıqları konsert proqramına görə minnətdarlıq bildiriblər, balaca iştirakçılara hədiyyələr təqdim olunub.

FOTO QALEREYA

 

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/rotterdamda-hemreylik-gunu-qeyd-edilib-2134

 

 

Niderlandın Rotterdam şəhərində #31Dekabr – Dünya Azərbaycanlılarının Həmrəylik Günü və Yeni il münasibətilə tədbir keçirilib.

📌 https://t.co/h4IaHSEqvw pic.twitter.com/8idcIJF38O

— Azerbaijani Diaspora (@DiasporaAz) December 29, 2022

 

Diasporla İş üzrə Dövlət Komitəsi 31 dekabr – Dünya Azərbaycanlılarının Həmrəylik Günü və Yeni il münasibətilə “Bir olaq, həmrəy olaq!” adlı bayram videokonfransı təşkil edib.
📌 https://t.co/A53yhsvYtT pic.twitter.com/8TPwUL0qVr

— Azerbaijani Diaspora (@DiasporaAz) December 26, 2022

 

 

Dünya Azərbaycanlılarının Həmrəylik Günü və Yeni il münasibətilə “Bir olaq, həmrəy olaq!” adlı bayram tədbiri təşkil olunub

26 dekabr, 2022

Dünya Azərbaycanlılarının Həmrəylik Günü və Yeni il münasibətilə “Bir olaq, həmrəy olaq!” adlı bayram tədbiri təşkil olunub

Diasporla İş üzrə Dövlət Komitəsi 31 dekabr – Dünya Azərbaycanlılarının Həmrəylik Günü və Yeni il münasibətilə “Bir olaq, həmrəy olaq!” adlı bayram videokonfransı təşkil edib.

Komitə sədri Fuad Muradov 63 ölkədən 500-ə yaxın soydaşımızın qatıldığı videokonfransı açıq elan etdikdən sonra torpaqlarımızın azadlığı və bütövlüyü uğrunda canından keçən şəhidlərin əziz xatirəsi ehtiramla yad edilib.

Daha sonra Azərbaycanın Dövlət Himni səsləndirilib.

Komitə sədri xaricdə yaşayan soydaşlarımızı bayram münasibətilə təbrik edib, Prezident İlham Əliyevin Dünya Azərbaycanlılarının Şuşada keçirilmiş V (Zəfər) Qurultayındakı tövsiyələri əsasında diaspor quruculuğu sahəsində başlanan yeni və mühüm mərhələdən danışıb. Xaricdəki icmalarımızın qarşısında dayanan hədəf və vəzifələrə diqqət cəlb edilib, qalib Vətənimizin adının yüksək səviyyədə təmsil olunması naminə fədakar xidmətlər göstərən diasporumuza minnətdarlıq ifadə olunub.

Azərbaycan diasporunun 2022-ci ildəki fəaliyyətini əks etdirən videohesabat təqdim olunub.

Soydaşlarımız Prezident İlham Əliyevi doğum günü münasibətilə təbrik edib, dünya azərbaycanlılarına daim həssas münasibət və qayğı göstərən dövlət başçısına minnətdarlıqlarını bildirib, hər zaman Azərbaycanın və onun ali siyasi rəhbərliyinin yanında olduqlarını bəyan ediblər.

Görüşdə diasporumuzun koordinasiyalı fəaliyyət imkanlarının genişləndiyi barədə danışılıb, yeni ildəki hədəflər dilə gətirilib. Konfrans iştirakçıları qeyd ediblər ki, bu qədər soydaşımızın iştirakı ilə görüşlərin təşkil olunmasının ənənəyə çevrilməsi onların əlaqələrinin inkişafı baxımından xüsusi əhəmiyyət daşıyır və daha sıx birləşmələrinə ciddi təkan verir.

Azərbaycan dilinin və mədəniyyətinin xarici ölkələrdə təbliğinə, Azərbaycan diasporunun fəaliyyətinə verilən mühüm töhfələrə, ölkəmizin beynəlxalq aləmdə ikitərəfli və çoxtərəfli əlaqələrinin inkişafındakı səmərəli işinə görə bir qrup diaspor üzvü “Diaspor fəaliyyətində xidmətə görə” medalı ilə təltif olunub.

Soydaşlarımızın hazırladıqları müxtəlif musiqi nömrələrinin, “Həmrəylik” videoçarxının təqdim olunduğu konfrans “Diaspor Marşı”nın sədaları altında yekunlaşıb.

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/dunya-azerbaycanlilarinin-hemreylik-gunu-ve-yeni-il-munasibetile-bir-olaq-hemrey-olaq-adli-bayram-tedbiri-teskil-olunub-2119

 

 

Diasporla İş üzrə Dövlət Komitəsi 31 dekabr – Dünya Azərbaycanlılarının Həmrəylik Günü və Yeni il münasibətilə “Bir olaq, həmrəy olaq!” adlı bayram videokonfransı təşkil edib.
📌 https://t.co/A53yhsvYtT pic.twitter.com/8TPwUL0qVr

— Azerbaijani Diaspora (@DiasporaAz) December 26, 2022

 

#ABŞ-da yaşayan tanınmış azərbaycanlı rəssam Əbülfəz Bahaduri Dünya Azərbaycanlılarının Həmrəylik Günü və Yeni il ərəfəsində ölkəmiz üçün mühüm addım atıb. O, #mina probleminin həllinə dəstək üçün əsərlərini satışa çıxarıb

📌 https://t.co/B9kTuW2uQy pic.twitter.com/wOr6QYYoY9

— Azerbaijani Diaspora (@DiasporaAz) December 24, 2022

 

 

ABŞ-da yaşayan rəssam soydaşımız mina probleminin həllinə dəstək üçün əsərlərini satışa çıxarıb

2022

ABŞ-da yaşayan rəssam soydaşımız mina probleminin həllinə dəstək üçün əsərlərini satışa çıxarıb
ABŞ-da yaşayan tanınmış azərbaycanlı rəssam Əbülfəz Bahaduri Dünya Azərbaycanlılarının Həmrəylik Günü və Yeni il ərəfəsində ölkəmiz üçün mühüm addım atıb.

Marşal İrsi İnstitutu (Marshall Legacy İnstitute) ilə birgə əsərlərini satışa çıxaran rəssam əldə olunan bütün vəsaiti “Mine Detection Dogs” (Mina aşkarlayan itlər) layihəsinə köçürəcəyini bildirib. “Bir çox ölkələr, o cümlədən Azərbaycan üçün minaların ölümcül mirası davamlı tərəqqi və sabitliyə əsas maneədir. Mən işlərimin 100% satışı vasitəsilə “Mine Detection Dogs” layihəsinə sponsorluq edirəm”, – deyə rəssam qeyd edib.

Rəssam sənətsevərləri bu bayramlar mövsümündə insan həyatlarını xilas etməyə çağırıb. Vəsaitlərin toplanması üçün onları https://lnkd.in/emnMY_Rk saytına daxil olmağa dəvət edib.

Soydaşımız yaradılmış imkana görə Marşal İrsi İnstitutuna dərin minnətdarlığını bildirib. İnformasiyanın sənət cameəsində yayılması və “Rəssamlar Minalara Qarşı” (Artists Against Mines) təşkilatının yaradılmasında kömək göstərilməsi naminə bu institutla 2023-cü ildə əməkdaşlıq edəcəyini söyləyib.

Öz növbəsində Marşal İrsi İnstitutu da cəmiyyəti öz kolleksiyasına orijinal sənət əsəri əlavə etməklə insan həyatını qurtarmağa kömək olmağa çağırıb.

Qeyd edək ki, abstrakt və kolorist rəssam kimi tanınan Əbülfəz Bahaduri Təbriz şəhərində anadan olub. Uşaqlıq və gənclik illərini Təbrizdə keçirməsi onun rəsm çəkməsinə və gələcək yaradıcılığına öz təsirini göstərib. Təbrizdəki Göy məscidin, xalça və xalıların rənglərindən, münüatürlərdən ilham alıb. Öncə Təbrizdə, sonra isə İngiltərənin Mançester şəhərində təhsil alıb. Rəssam-dizayner və kompüter texnologiyaları mütəxəssisidir.

Filadelfiya İncəsənət Muzeyinin, Del Rey Sənətkarlarının, İsgəndəriyyə İncəsənət Liqasının və Falls Kilsəsi İncəsənətinin üzvü olan rəssamın əsərləri ABŞ-ın bir çox ştatlarındakı sərgilərdə nümayiş olunur. Bu ilin sentyabrında isə ADA Universitetinin Vaşinqtondakı ofisində rəssamın Qarabağın işğaldan azad edilməsinin ikinci ildönümü münasibətilə fərdi sərgisi təqdim edilib.

“Paradoks” əsərinə görə Vaşingtondakı Amerika İncəsənət Liqasının Evelin Turner mükafatına layiq görülüb.

Azərbaycan diasporunun fəaliyyətinə və Azərbaycan mədəniyyətinin xarici ölkələrdə təbliğinə verdiyi mühüm töhfələrə görə “Azərbaycan Xalq Cümhuriyyətinin 100 illiyi (1918–2018)” yubiley medalı və “Diaspor fəaliyyətində xidmətlərə görə” medalı ilə təltif olunub.

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/abs-da-yasayan-ressam-soydasimiz-mina-probleminin-helline-destek-ucun-eserlerini-satisa-cixarib-2116

 

 

#ABŞ-da yaşayan tanınmış azərbaycanlı rəssam Əbülfəz Bahaduri Dünya Azərbaycanlılarının Həmrəylik Günü və Yeni il ərəfəsində ölkəmiz üçün mühüm addım atıb. O, #mina probleminin həllinə dəstək üçün əsərlərini satışa çıxarıb

📌 https://t.co/B9kTuW2uQy pic.twitter.com/wOr6QYYoY9

— Azerbaijani Diaspora (@DiasporaAz) December 24, 2022