Vyetnam-Azərbaycan və Laos-Azərbaycan Dostluq assosiasiyalarının üzvləri Azərbaycanda səfərdədir

2024

 

Vyetnam-Azərbaycan və Laos-Azərbaycan Dostluq assosiasiyalarının üzvləri Azərbaycanda səfərdədir
📌 https://t.co/idfFGcVSAd pic.twitter.com/KdOldz2CKV

— Azerbaijani Diaspora (@DiasporaAz) May 6, 2024

 

 

Vyetnam-Azərbaycan və Laos-Azərbaycan Dostluq assosiasiyalarının üzvləri Azərbaycanda səfərdədir

Vyetnam-Azərbaycan və Laos-Azərbaycan Dostluq assosiasiyalarının 40 il əvvəl Azərbaycanda təhsil almış üzvləri Azərbaycan Respublikasının Diasporla İş üzrə Dövlət Komitəsinin və Azərbaycan Respublikasının Vyetnam Sosialist Respublikasındakı Səfirliyinin birgə təşkilatçılığı ilə Azərbaycanda səfərdədir.

5-10 may tarixini əhatə edəcək səfər çərçivəsində qonaqların Bakıda bir sıra görüşlərdə iştirakı və Şuşa şəhərini ziyarətləri nəzərdə tutulub.

Assosiasiya üzvləri tərəfindən Laosda və Vyetnamda Azərbaycanın təmsil olunması, habelə ölkəmizin müvafiq qurumlarının sözügedən Assosiasiya ilə əməkdaşlıq əlaqələrinin qurulması və onların ikitərəfli layihələrə cəlb edilməsi imkanları nəzərə alınaraq Azərbaycana səfərləri Komitə tərəfindən dəstəklənib.

FOTO QALEREYA

 

 

Vyetnam-Azərbaycan və Laos-Azərbaycan Dostluq assosiasiyalarının üzvləri Azərbaycanda səfərdədir
📌 https://t.co/idfFGcVSAd pic.twitter.com/KdOldz2CKV

— Azerbaijani Diaspora (@DiasporaAz) May 6, 2024

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/vyetnam-azerbaycan-ve-laos-azerbaycan-dostluq-assosiasiyalarinin-uzvleri-azerbaycanda-seferdedir-4617

 

Tanınmış həkim-cərrah Şapur Ənsəri Azərbaycanda səfərdədir
2024
Tanınmış həkim-cərrah Şapur Ənsəri Azərbaycanda səfərdədir

 

 

Tanınmış həkim-cərrah Şapur Ənsəri Azərbaycanda səfərdədir

📌 https://t.co/0IQ2tsxuV7 pic.twitter.com/2nNoZBD3wE

— Azerbaijani Diaspora (@DiasporaAz) April 24, 2024

 

ABŞ-də yaşayan, əslən Cənubi Azərbaycandan olan soydaşımız, tanınmış həkim-cərrah Şapur Ənsari Azərbaycana səfəri çərçivəsində bir sıra görüşlər keçirib.

Aprelin 23-də Azərbaycan Diplomatik Akademiyasında “COP29 və Azərbaycan üçün Yaşıl Baxış” mövzusunda keçirilən beynəlxalq forumda iştirak edən Şapur Ənsari bu forum çərçivəsində Azərbaycan Respublikasının Prezident İlham Əliyevlə şəxsən görüşüb.

Forumdan öncə tələbələrlə və ekspertlərlə təşkil edilmiş görüşdə ADA Universitetinin rektoru Hafiz Paşayev və Diasporla İş üzrə Dövlət Komitəsinin sədri Fuad Muradov həkim-cərrah Şapur Ənsəri ilə görüşüb. Komitə sədri bu görüşdə Şapur Ənsəriyə Azərbaycan Respublikasının Prezidenti İlham Əliyevin 2024-cü il 2 fevral tarixli 4289 nömrəli Sərəncamı ilə təltif olunduğu “Heydər Əliyevin 100 illiyi (1923-2023)” Azərbaycan Respublikasının yubiley medalını təqdim edib.

Aprelin 24-də Şapur Ənsəri Ədəbiyyat Muzeyini ziyarət edib və muzeydəki eksponatlarla tanış olub. Muzeydə azərbaycanlı ədəbiyyatşünas, ictimai xadim, millət vəkili Rafael Hüseynovla görüşüb. Muzeydə xatirə dəftərinə ürək sözlərini yazan Şapur Ənsəriyə kitab hədiyyə olunub.

Daha sonra Azərbaycan Respublikasının Xalq artisti Alim Qasımovla görüşüb və tanınmış xanəndə qonağı evinə dəvət edib.

Uzun müddət ABŞ-nin Miçiqan ştatında yerləşən Corctaun Universitetində ürək cərrahı kimi fəaliyyət göstərib. Ürək cərrahiyyəsi əməliyyatlarında lazer üsulundan istifadə edilməsi ixtirası onun adına patentləşdirilib. Həmçinin, Şapur Ənsəri ABŞ-də xəstəxana sahibidir.

Onun ABŞ-də Azərbaycan mədəniyyətinin, musiqisinin təbliği istiqamətində də xüsusi rolu var. Şapur Ənsəri 1997-ci ildə Ümummilli Lider Heydər Əliyevin ABŞ-yə səfəri zamanı Azərbaycan icması ilə olan görüşdə iştirak edib və ABŞ-Azərbaycan ikitərəfli münasibətlərinin qurulması ilə bağlı öz fikirlərini bölüşüb.

FOTO QALEREYA

 

Tanınmış həkim-cərrah Şapur Ənsəri Azərbaycanda səfərdədir

📌 https://t.co/0IQ2tsxuV7 pic.twitter.com/2nNoZBD3wE

— Azerbaijani Diaspora (@DiasporaAz) April 24, 2024

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/taninmis-hekim-cerrah-sapur-enseri-azerbaycanda-seferdedir-4582

 

Dövlət Komitəsinin sədri Polşada səfərdədir
2024
Dövlət Komitəsinin sədri Polşada səfərdədir
Diasporla İş üzrə Dövlət Komitəsinin sədri Fuad Muradovun Polşaya səfəri başlayıb.

İlk olaraq Komitə sədri Azərbaycanın Polşadakı səfirliyində olub, səfir Nərgiz Qurbanova ilə birlikdə burada ulu öndər Heydər Əliyevin büstünü ziyarət edib.

 

 

Dövlət Komitəsinin sədri Polşada səfərdədir
📌https://t.co/Gzjrq3l4PN pic.twitter.com/uys6C5JZ7l

— Azerbaijani Diaspora (@DiasporaAz) February 23, 2024

 

 

Daha sonra Komitə sədri Varşavada fəaliyyət göstərən Azərbaycan Evində olub. Azərbaycan icmasının nümayəndələri ilə söhbət zamanı xaricdə yaşayan soydaşlarımızın Vətənlə əlaqələrinin möhkəmləndirilməsinə Komitənin hər zaman dəstək verməyə hazır olduğunu bildirib, onların həmrəyliyinin təmin olunması məqsədilə Azərbaycan evlərinin sayının artırılmasının önəmi, mövcud evlərin fəaliyyəti, Komitənin həyata keçirdiyi layihələr, Xocalı soyqırımının 32-ci ildönümü ilə əlaqədar keçirilməsi planlaşdırılan tədbirlər barədə məlumat verib. Xocalı faciəsinin Ermənistanın etnik azərbaycanlılara qarşı törətdiyi soyqırımı aktı olduğu, diaspor nümayəndələrinin hər il soyqırımının ildönümü ilə bağlı müxtəlif tədbirlər keçirdiyi vurğulanıb.

Görüş zamanı Polşadakı Azərbaycan icmasının yerli cəmiyyətə inteqrasiyası, gənclərin elm, təhsil və digər sahələrdə uğurları, icma üzvlərinin diaspor fəaliyyətinin genişləndirilməsi, informasiya platformalarında fəallığın artırılması, yeni birlik mexanizmlərinin yaradılması, diaspor hərəkatının hədəflərinin dəqiq müəyyən edilməsi barədə qarşılıqlı müzakirələr aparılıb.

Səfər çərçivəsində Komitə sədri Polşa Respublikası xarici işlər nazirinin müavini Henrika Moscicka-Dedis ilə görüşüb. Qonaqları salamlayan nazir müavini Polşa ilə Azərbaycan arasında çoxəsrlik dostluq və əməkdaşlıq münasibətlərinin zamanla daha da möhkəmlənəcəyinə ümidvar olduğunu və bu səfərin ikitərəfli əlaqələrin inkişafına töhfə verəcəyinə əminliyini ifadə edib, Azərbaycan icmasının Polşa cəmiyyətinə inteqrasiyasının yüksək səviyyədə olduğunu bildirib. Henrika Moscicka-Dedis xaricdə yaşayan polyaklarla bağlı dövlət siyasətinin əsasını polyak dil və tarixinin, mədəni irsin təbliği, polyakların repartriasiyası, rifahlarının yaxşılaşdırılması və digər məsələlərin təşkil etdiyini, bu istiqamətdə polyakların sıx məskunlaşdığı ölkələrdə layihələr həyata keçirildiyini bildirilib.

Fuad Muradov öz növbəsində Komitənin fəaliyyət istiqamətləri, həyata keçirilən iri layihələr, xalqlararası münasibətlərdə Azərbaycan diasporunun rolu, xarici ölkələrin diaspor məsələlərinə məsul qurumları ilə əməkdaşlıq məqsədilə imzalanmış memorandumlar, o cümlədən ölkəmizin diaspor siyasəti, dövlətimizin xaricdə yaşayan azərbaycanlılara mütəmadi qayğısı barədə nazir müavinini məlumatlandırıb. Görüş qarşılıqlı fikir mübadiləsi ilə başa çatıb.

Komitə sədri Polşa Respublikası Senatının Emiqrasiya və Xaricdə Yaşayan Polyaklarla Əlaqələr Komitəsinin sədri Boqdan Boruseviç ilə də görüşüb. Qonaqları salamlayan Boqdan Boruseviç Azərbaycanla Polşa arasında əməkdaşlığın müxtəlif sahələrdə uğurla davam etdiyini bildirib və Komitənin fəaliyyəti barədə danışıb.

Dövlət Komitəsinin sədri Komitənin fəaliyyəti, Polşada yaşayan azərbaycanlıların yerli cəmiyyətə inteqrasiyası, bu ölkənin iqtisadiyyatına verdiyi töhfə, diaspor təşkilatlarının səmərəli fəaliyyəti üçün yaradılmış imkanlar, paytaxt Varşavada fəaliyyət göstərən Azərbaycan Evi, eləcə də yaxın günlərdə Krakov şəhərində açılacaq ikinci Azərbaycan Evi barədə ətraflı məlumat verib. Bu evlərdə çoxsaylı mədəni tədbirlərin keçirildiyi, dil kurslarının fəaliyyət göstərdiyi bildirilib. Azərbaycanda polyak icması üçün yaradılmış şəraitə toxunan Komitə sədri polyakların Azərbaycan cəmiyyətinə tam inteqrasiya etdiyini, Azərbaycanın regionda və dünyada sülh və əmin-amanlığı dəstəkləyən tolerant dövlət olduğunu, İkinci Qarabağ müharibəsindən sonra Ermənistana sülh təklif etdiyini vurğulayıb.

Görüşdə həmçinin miqrasiya məsələlərinin tənzimlənməsi, miqrantların hüquqları, işçi vizaları barədə qarşılıqlı fikir mübadiləsi aparılıb. Qeyd olunub ki, artıq bir neçə ildir Polşada yaşayan azərbaycanlılara, eləcə də təhsil alan gənclərə hüquqi yardımın göstərilməsi üçün Polşa Azərbaycanlıları Koordinasiya Şurasının təşəbbüsü və Diasporla İş üzrə Dövlət Komitəsinin dəstəyi ilə tam təmənnasız vəkil xidmətləri təqdim olunur.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/dovlet-komitesinin-sedri-polsada-seferdedir-4248

 

 

Dövlət Komitəsinin sədri Polşada səfərdədir
📌https://t.co/Gzjrq3l4PN pic.twitter.com/uys6C5JZ7l

— Azerbaijani Diaspora (@DiasporaAz) February 23, 2024