Şamaxıda “Heydər Əliyev və Azərbaycan: qüdrətli dövlətçilik, milli inkişaf və böyük zəfər” adlı elmi-praktiki konfrans keçirilib , ÖZEL

ÜLKER PİRİYEVA – AZERBAYCAN

Şamaxı Rayon İcra Hakimiyyətinin və Şamaxı rayon Heydər Əliyev Mərkəzinin birgə təşkilatçılığı ilə Ümummilli lider Heydər Əliyevin anadan olmasının 100 illik yubileyinə həsr olunmuş “Heydər Əliyev və Azərbaycan: qüdrətli dövlətçilik, milli inkişaf və böyük zəfər “adlı elmi-praktiki konfrans keçirilib.

1453 Kral Media xəbər agentliyinin Azərbaycan təmsilçisi Ülkər Piriyeva xəbər verir ki, konfrans iştirakçıları öncə Heydər Əliyevin həyatı və siyasi fəaliyyətindən bəhs edən kitab və fotoşəkillərdən ibarət sərgiyə baxış keçirib.

Sonra Heydər Əliyev ilinə həsr olunmuş film nümayiş olunub.

Konfransda Şamaxı Rayon İcra Hakimiyyətinin başçısı Tahir Məmmədov, Şamaxı Rayon Heydər Əliyev Mərkəzinin direktoru Könül Eyvazova, Azərbaycan Respublikası Prezidenti yanında Dövlət İdarəçilik Akademiyasının müəllimi s.ü.f.d dosent Cahangir Cahangirli, AMEA-nın A.A.Bakıxanov adına Tarix İnstitutunun “Qərbi Azərbaycan tarixi” şöbəsinin aparıcı elmi işçisi, t.ü.f.d dosent Bəxtiyar Həsənov, AMEA-nın Z.M.Bünyadov adına Şərqşünaslıq İnstititunun aparıcı elmi işçisi t.ü.f.d dosent Sübhan Talıblı, AzadMedia.az xəbər agentliyinin redaktoru, politoloq, araşdırmaçı jurnalist Ülkər Piriyeva çıxış edib.

Şamaxı Rayon İcra Hakimiyyətinin başçısı Tahir Məmmədov çıxışında qeyd edib ki, “Dövlətçilik salnaməmizdə silinməz izlər qoymuş, azərbaycanlı olması ilə ömür boyu fəxr etmiş, milli qürur və iftixar mənbəyimiz olan Heydər Əliyev bütün dünyada Azərbaycanın rəmzi kimi qəbul edilir. Ulu Öndərin 1993-cü ilin oktyabrında dövlət başçısı seçilməsindən sonra müstəqil Azərbaycanın hüquqi və siyasi-iqtisadi suverenliyinin təmin olunması prosesi əsaslı şəkildə sürətlənmişdir. Ulu Öndər rəhbərlik etdiyi dövr ərzində Azərbaycanı bir dövlət kimi zamanın ağır və sərt sınaqlarından çıxara bilmiş, ölkənin gələcək inkişaf strategiyasını müəyyən etmiş və onun həyata keçirilməsi üçün mühüm addımlar atmışdır. Ümummilli Lider ilk növbədə, ölkədə ictimai-siyasi sabitliyin bərpası istiqamətində gərgin iş aparmış, ölkədəki qeyri-qanuni silahlı dəstələr zərərsizləşdirilmiş, respublikamızın sosial-iqtisadi yüksəlişinə yol açan ən mühüm amil kimi cəmiyyətdə ictimai-siyasi sabitlik bərqərar edilmişdir. Həmçinin Heydər Əliyevin fəaliyyətində iqtisadi islahatlar, bazar iqtisadiyyatının qurulması, iqtisadi inkişafın təmin edilməsi, Azərbaycanın dünya iqtisadiyyatına inteqrasiyası, özəlləşdirmə proqramının, aqrar islahatların həyata keçirilməsi prioritet sahələr olmuşdur. Heydər Əliyevin milli neft strategiyasının uğurla reallaşdırılması nəticəsində xalqımız öz təbii sərvətlərinin tam sahibinə çevrilmiş və qısa müddətdə ölkəmizin inkişafına güclü təkan verən resurslar əldə edilmişdir. Əlbətdə ki, böyük xalqın qüdrətli Ordusunun qurucusu Ulu Öndər Heydər Əliyevdir.”

Şamaxı Rayon Heydər Əliyev Mərkəzinin direktoru Könül Eyvazova çıxışında bildirib ki,
“Ulu Öndərin Azərbaycan xalqı və dövləti qarşısındakı əvəzedilməz xidmətləri onun fəaliyyətinin bütün mərhələlərini əhatə edir, Ümummilli Liderin həm SSRİ dövründə, həm də müstəqillik illərində ölkəmizə rəhbərlik etdiyi dönəmdə görülən işlər respublikamızın qüdrətinin artmasına, Azərbaycanın tarixi nailiyyətlər qazanmasına xidmət etmişdir. Müdrik dövlət xadiminin müstəqillik illərində Azərbaycana rəhbərlik etdiyi mərhələ sabitlik, tərəqqi dövrü kimi tarixə həkk olmuşdur. O sözün əsl mənasında, müstəqil Azərbaycan dövlətinin qurucusu, Azərbaycan xalqının xilaskarı, dünya azərbaycanlılarının Ümummilli Lideridir. Heydər Əliyevin zəngin siyasi irsi və əbədiyaşar ideyaları isə xalqımızın tükənməz milli sərvəti, milli tərəqqi yoludur.”

Azərbaycan Respublikasının Prezidenti yanında Dövlət İdarəçilik Akademiyasından Dos. Dr. Cahangir Cahangirli

“Heydər Əliyev və azərbaycançılıq ideologiyası” barədə çıxış edib.

Dos. Dr. Cahangir Cahangirli bildirib ki,
“Məhz, milli ideologiyanın yaradılması Ulu Öndər Heydər Əliyevin rəhbərliyi ilə həyata keçirilən dövlət quruculuğu siyasətinin mühüm tərkib hissəsidir. Heydər Əliyevin formalaşdırdığı və inkişaf etdirdiyi azərbaycançılıq fəlsəfəsi Azərbaycanın müasir dünyada yerini müəyyən etmiş, milli dövlətçiliyimizin ideya əsasını təşkil edərək dünya azərbaycanlılarının həmrəyliyi üçün möhkəm zəmin yaratmışdır. Azərbaycan ziyalısını son yüzilliklərdə ən ciddi bir şəkildə düşündürən milli dirçəliş problemləri bütöv şəkildə Heydər Əliyevin həmin illərdəki fəaliyyəti ilə strateji dövlət siyasətinə, elmdən, sosiologiyadan və fəlsəfədən əməli siyasət müstəvisinə keçmişdir. Azərbaycançılıq ideologiyası təkcə bu dövlətin ərazisində yaşayan şəxsləri yox, eyni zamanda, bütün dünyada məskunlaşan azərbaycanlıları əhatə edən, dünya azərbaycanlılarını vahid ideologiya ətrafında birləşdirən milli məfkurəyə çevrildi.”

AMEA A.A.Bakıxanov adına Tarix İnstututunun “Qərbi Azərbaycan tarixi” şöbəsindən Dos. Dr. Bəxtiyar Həsənov “Heydər Əliyev və Azərbaycanın dövlətçilik tarixi” haqqında çıxış edib.

Dos. Dr. Bəxtiyar Həsənov vurğulayıb ki, “Ulu Öndərin xalqın yaradıcılıq enerjisini bir məqsədə yönəltməklə tarixi yaddaşın bərpası istiqamətindә atdığı qətiyyətli addımlar o dövrdə milli ruhun canlanmasına xidmət göstərmiş, özünüdərki və soy-kökə qayıdışı təmin etmiş, müstəqil dövlət quruculuğuna aparan yolun təməl daşına çevrilmişdir. Ulu Öndərin 1993-cü ilin oktyabrında dövlət başçısı seçilməsindən sonra müstəqil Azərbaycanın hüquqi və siyasi-iqtisadi suverenliyinin təmin olunması prosesi əsaslı şəkildə sürətlənmişdir. Xalqın tarixi yaddaşının özünə qaytarmışdır. Ulu Öndər hələ Naxçıvan Muxtar Respublikası Ali Məclisinin sədri olarkən – 1990-cı il noyabrın 17-də Azərbaycan Xalq Cümhuriyyətinin üçrəngli Dövlət Bayrağını Naxçıvan Muxtar Respublikasının Dövlət Bayrağı olaraq təsdiq etmiş, Azərbaycan SSR Ali Soveti qarşısında üçrəngli bayrağın Azərbaycanın rəsmi dövlət rəmzi kimi tanınması haqqında vəsatət qaldırmışdır.”

AMEA akad. Z.M.Bünyadov adına Şərqşünaslıq İnstututundan Dos. Dr. Sübhan Talıblı “Ümummilli Lider Heydər Əliyev və Azərbaycan diplomatiyası” barədə çıxış edib.

Dos. Dr. Sübhan Talıblı qeyd edib ki,
“Ötən əsrin 90-cı illərində dövlət müstəqilliyini bərpa edən Azərbaycan Ermənistanın təcavüzü, xarici təzyiqlər və daxili çəkişmələr üzündən dünyanın siyasi xəritəsindən silinmək və dövlətçiliyini itirmək təhlükəsi ilə qarşılaşmışdır. Taleyimizin həll olunduğu ağır bir zamanda xalqın təkidli tələbinə səs verərək yenidən hakimiyyətə qayıdan Heydər Əliyev doğma Vətənin xilası naminə misilsiz fədakarlıq nümayiş etdirmiş, ölkəmizi ictimai-siyasi pərakəndəliyin və anarxiyanın məngənəsindən qurtarmış, bütün sahələrdə müşahidə olunan dərin tənəzzülün qarşısını almış, yenidən qurduğu və hər cür qəsdlərdən qoruduğu dövlətin dayanıqlı inkişaf yolunu müəyyən etmişdir. Dövrünün ən nüfuzlu siyasətçiləri ilə bir sırada duran Heydər Əliyev Azərbaycanın müasir simasının, xalqımızın zəngin dəyərlərinin tanıdılması və ölkəmizin beynəlxalq münasibətlər sistemində layiqli mövqe qazanmasında müstəsna rol oynamışdır. Heydər Əliyev düşünülmüş və cəsarətli qərarları ilə təkcə müstəqillik dövründə deyil, bütün dövrlərdə Azərbaycan ictimaiyyətini ən ciddi şəkildə düşündürən məsələləri uğurla həll etmişdir.”

Türkiyə Cümhuriyyəti 1453 Kral Media xəbər agentliyinin Azərbaycan direktoru, AzadMedia.az xəbər agentliyinin redaktoru, politoloq Ülkər Piriyeva “Ümummilli Lider Heydər Əliyev və Azərbaycan mətbuatı” barədə çıxış edib.

Jurnalist Ülkər Piriyeva vurğulayıb ki,
“Müasir Azərbaycan mətbuatının inkişafı Ulu öndər Heydər Əliyevin adı ilə bağlıdır.
Azərbaycanda mətbuat XIX əsrdə yaransa da, onun tam şəkildə müstəqil dövlətçilik maraqlarına xidmət etmək funksiyası yalnız XX əsrin sonlarında reallığa çevrilib: “Doğrudur, Həsən bəy Zərdabinin əsasını qoyduğu “Əkinçi” qəzetilə Azərbaycan xalqının milli ideyasının formalaşması prosesində milli mətbuatın rolu nəzərə çarpmağa başladı, amma dünyanın reallığa çevrilən çağırışlarına cavab verə biləcək, Azərbaycan coğrafiyasında ictimai düşüncəni formalaşdıracaq və xalqımız haqqında həqiqətləri beynəlxalq ictimaiyyətin diqqətinə çatdıracaq media institutu düz bir əsr boyunca meydana gəlmədi. Lakin sevindirici hal ondan ibarətdir ki, keçmiş SSRİ rəhbərliyinin, erməni daşnaklarının Azərbaycan xalqının “düşünən beynini” – ziyalılarını, alimlərini, yazıçılarını, mədəniyyət nümayəndələrini məhv etməsi prosesinin qarşısını alan Ümummilli lider Heydər Əliyev, eyni zamanda, ölkədə cəmiyyətimizin “güzgüsü” olan, ictimai-siyasi düşüncə tərzini formalaşdıran, Azərbaycan xalqının milli kimliyini dünya xalqlarına nümayiş etdirə bilən “MEDİA”nın əsaslarını yaratmışdır.
Əlbəttə, bu gün Azərbaycan hakimiyyəti ölkəmizdə söz azadlığının, vətəndaş cəmiyyətinin inkişafında maraqlıdır. Media ölkədə dördüncü hakimiyyətdir. Əsası Ümummilli liderimiz Heydər Əliyev tərəfindən qoyulan mətbuatın inkişafına dövlət qayğısı siyasəti bu gün də cənab Prezident İlham Əliyev tərəfindən uğurla davam etdirilir. Bəli, qürurla deyə bilərik ki, Azərbaycan jurnalistikasında söz, fikir azadlığının yaradılmasını, demokratiyanın inkişafını özündə əks etdirən bu siyasət nəticəsində Azərbaycan dünyada sözə, insan hüquqlarına hörmət edən bir ölkə kimi tanınıb. Məhz, bu il də peşəsindən asılı olmayaraq, hər bir Azərbaycan vətəndaşının Ulu Öndərin müqəddəs mənəvi varlığı və müstəqil dövlətçiliyimiz qarşısında hesabat ili olacaqdır. Bir sözlə, 2023-cü ilin “Heydər Əliyev İli” elan edilməsi həmçinin hər bir jurnalistin də ürəyincə olan siyasi hadisədir.”

Allah Ulu Öndərə rəhmət eləsin!

Norveçin paytaxtı Osloda fəaliyyət göstərən Nizami Gəncəvi adına Azərbaycan dili həftəsonu məktəbinin növbəti dərsi 31 Mart – Azərbaycanlıların Soyqırımı Gününə həsr olunub.
📌 https://t.co/OaKMWVS9rx pic.twitter.com/Z0hsF05WJ9

— Azerbaijani Diaspora (@DiasporaAz) April 3, 2023

Oslodakı Azərbaycan məktəbində 31 Mart soyqırımından bəhs edilib
, 2023
Oslodakı Azərbaycan məktəbində 31 Mart soyqırımından bəhs edilib

Norveçin paytaxtı Osloda fəaliyyət göstərən Nizami Gəncəvi adına Azərbaycan dili həftəsonu məktəbinin növbəti dərsi 31 Mart – Azərbaycanlıların Soyqırımı Gününə həsr olunub.

Norveçin paytaxtı Osloda fəaliyyət göstərən Nizami Gəncəvi adına Azərbaycan dili həftəsonu məktəbinin növbəti dərsi 31 Mart – Azərbaycanlıların Soyqırımı Gününə həsr olunub.
📌 https://t.co/OaKMWVS9rx pic.twitter.com/Z0hsF05WJ9

— Azerbaijani Diaspora (@DiasporaAz) April 3, 2023

Şagirdlərə erməni və bolşevik silahlı dəstələrinin Azərbaycan xalqına qarşı törətdikləri 31 Mart soyqırımının tarixi haqqında məlumat verilib. Bildirilib ki, 1918-ci ilin mart və aprel aylarında Bakı, Şamaxı, Lənkəran, Quba və digər bölgələrimizdə aralarında qadınların, uşaqların və qocaların da olduğu on minlərlə azərbaycanlı qətlə yetirilib, evlər talana məruz qalıb, onlarla mədəniyyət abidəsi yandırılaraq məhv edilib.

Azərbaycan Xalq Cümhuriyyəti dövründə bu qanlı qırğına siyasi və hüquqi qiymətin verilməsinin sovet işğalı nəticəsində yarımçıq qaldığı, 70 illik sovet imperiyası dövründə cinayətin gizlədildiyi nəzərə çatdırılıb. Azərbaycanın dövlət müstəqilliyinin bərqərar olunmasından sonra xalqımızın ümummilli lideri Heydər Əliyevin 26 mart 1998-ci il tarixli Fərmanı əsasında soyqırıma siyasi qiymətin verildiyi, 31 mart tarixinin ölkəmizdə və dünyanın müxtəlif ölkələrində Azərbaycanlıların Soyqırımı Günü kimi yad edildiyi vurğulanıb.

Sonra uşaqlar faciəyə həsr olunmuş rəsmlər çəkiblər və panno hazırlayıblar.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/oslodaki-azerbaycan-mektebinde-31-mart-soyqirimindan-behs-edilib-2730

Norveçin paytaxtı Osloda fəaliyyət göstərən Nizami Gəncəvi adına Azərbaycan dili həftəsonu məktəbinin növbəti dərsi 31 Mart – Azərbaycanlıların Soyqırımı Gününə həsr olunub.
📌 https://t.co/OaKMWVS9rx pic.twitter.com/Z0hsF05WJ9

— Azerbaijani Diaspora (@DiasporaAz) April 3, 2023

Türkiyənin Eskişehir şəhərində keçirilən ənənəvi “Çərşənbə Söhbətləri” toplantısının növbəti mövzusu #31Mart – Azərbaycanlıların Soyqırımı Gününə həsr edilib.
📌 https://t.co/cEWBanaXj8 pic.twitter.com/Nm8SpN3rZh

— Azerbaijani Diaspora (@DiasporaAz) March 30, 2023

Eskişehirdə 31 Mart – Azərbaycanlıların Soyqırımı Günündən bəhs edilib
, 2023
Eskişehirdə 31 Mart – Azərbaycanlıların Soyqırımı Günündən bəhs edilib

Türkiyənin Eskişehir şəhərində keçirilən ənənəvi “Çərşənbə Söhbətləri” toplantısının növbəti mövzusu 31 Mart – Azərbaycanlıların Soyqırımı Gününə həsr edilib.

Eskişehir Azərbaycanlılar Dərnəyinin təşkil etdiyi həftəlik toplantıda dərnək üzvləri, azərbaycanlı tələbələr və yerli ictimaiyyətin nümayəndələri iştirak ediblər.

Dərnəyin koordinatoru Cavid Əmirov 1918-ci il martın 30-dan aprelin 3-dək bolşeviklərin və erməni silahlı quldurlarının Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Qarabağ, Naxçıvan və digər ərazilərdə Azərbaycan xalqına qarşı törətdikləri qanlı qətliamlar barədə ətraflı məlumat verib.

Türkiyənin Eskişehir şəhərində keçirilən ənənəvi “Çərşənbə Söhbətləri” toplantısının növbəti mövzusu #31Mart – Azərbaycanlıların Soyqırımı Gününə həsr edilib.
📌 https://t.co/cEWBanaXj8 pic.twitter.com/Nm8SpN3rZh

— Azerbaijani Diaspora (@DiasporaAz) March 30, 2023

Bildirib ki, Bakı Sovetinin etnik erməni olan rəhbəri Stepan Şaumyanın göstərişi ilə martın 30-dan başlayaraq Bakıda aralarında qadınların, körpələrin və yaşlı insanların da olduğu minlərlə dinc Azərbaycan türkü və müsəlman əhalisi vəhşicəsinə qətlə yetirilib, yaşayış məntəqələri, milli memarlıq abidələri, məscidlər, qəbiristanlıqlar dağıdılıb, Bakının böyük bir hissəsi xarabalığa çevrilib. Nəzərə çatdırıb ki, ötən illər ərzində Azərbaycanda aparılmış araşdırmalar sayəsində bir çox yeni faktlar və sənədlər toplanıb, Quba şəhərində kütləvi məzarlıq aşkarlanıb, Şamaxı hadisələri ilə əlaqədar tədqiqat işləri aparılır. “Üzə çıxmış tarixi faktlar 1918-ci ilin mart-aprel aylarında və sonrakı dövrlərdə ermənilərin həyata keçirdikləri qanlı cinayətlərin coğrafiyasının daha geniş və faciə qurbanlarının sayının dəfələrlə çox olduğunu sübuta yetirir. Azərbaycan türklərinə qarşı edilmiş bu vəhşiliyi və cinayətləri unutmamalıyıq. Erməni vəhşiliyinə beynəlxalq müstəvidə lazımi siyasi-hüquqi qiymət verilməlidir”, – deyə koordinator vurğulayıb.

Sonra toplantı iştirakçılarının sualları cavablandırılıb.

Xatırladaq ki, müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin 26 mart 1998-ci il tarixli Sərəncamı ilə 31 mart tarixi Azərbaycanlıların Soyqırımı Günü kimi qeyd olunur.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/eskisehirde-31-mart-azerbaycanlilarin-soyqirimi-gununden-behs-edilib-2710

Türkiyənin Eskişehir şəhərində keçirilən ənənəvi “Çərşənbə Söhbətləri” toplantısının növbəti mövzusu #31Mart – Azərbaycanlıların Soyqırımı Gününə həsr edilib.
📌 https://t.co/cEWBanaXj8 pic.twitter.com/Nm8SpN3rZh

— Azerbaijani Diaspora (@DiasporaAz) March 30, 2023